ការតុបតែងគេហដ្ឋានមិនចេះតែធ្វើឱ្យតែបានៗនោះទេ គឺពួកគេរៀបចំធ្វើ ឡើងតាមជំនឿ ដើម្បីឱ្យមានហុងស៊ុយដល់គេហដ្ឋាននិងដល់សមាជិករបស់ពួកគេដែរ ។ នៅក្នុងនោះការដាក់តាំងរូបភាព ក៏ជាការរៀបចំឡើងទៅតាមជំនឿនៃរូបទាំងនោះដើម្បីឱ្យគេហដ្ឋាន និងម្ចាស់ផ្ទះទទួលបានសេចក្តីសុខ ភាពរីកចម្រើនសម្បូរសប្បាយ និងចៀសផុតពីគ្រោះភ័យផ្សេងៗ៘
ខាងក្រោមនេះគឺជារូបគំនូរដែលគេតែងតែដាក់តាំងជានិច្ច
រូបគំនូរខ្លាឃ្មុំកំពុងស៊ីស្លឹកឫស្សី
ការដាក់តាំងរូបគំនូរខ្លាឃ្មុំកំពុងតែឡើងដើមឈើ ឬស៊ីស្លឹកឫស្សីនោះវាគឺជានិមិត្តសញ្ញានាំ មកនូវសេរីភាព សុភមង្គល និងភាពរីកចម្រើន ។ នៅក្នុងប្រទេសចិនសត្វខ្លាឃ្មុំត្រូវបានគេមានជំនឿថា ជាសត្វដែលមានកម្លាំងខ្លាំងក្លា ទន់ភ្លន់ តែបង្កប់ដោយភាពកាចសាហាវផងដែរ ។ ម្យ៉ាងទៀតនៅក្នុង ប្រទេសគេក៏មានជំនឿថា បើសិនជារៀងរាល់ថ្ងៃគេបានអង្អែល ឬក៏ថើបរូបគំនូរខ្លាឃ្មុំនេះនោះគេនឹងជួប សំណាងល្អ និងទទួលបានសុភមង្គគ្រប់ពេល ។
រូបគំនូរត្រីនាគមាស
ការដាក់តាំងរូបគំនូរត្រីនាគមាសនេះតាមជំនឿ គឺជានិមិត្តសញ្ញានៃការនាំមកនូវភ័ព្វសំណាងល្អ ទ្រព្យសម្បត្តិ និងការត្រូវរ៉ូវគ្នានៅក្នុងសង្គមគ្រួសារ ។ តាមជំនឿ និងហុងស៊ុយត្រីក្រឹមមាសនេះត្រូវបាន គេមានជំនឿថា ជាបុត្ររបស់សត្វនាគរាជ ។
រូបគំនូរសត្វនាគរាជ
ការដាក់តាំងរូបគំនូរសត្វនាគរាជ វាគឺជានិមិត្តសញ្ញានាំមកនូវអំណាច ភាពខ្លាំងក្លានិងទទួលជោគជ័យគ្រប់ពេលវេលា ។ ជាងនេះទៅទៀតគេជឿថា រូបគំនូរនាគរាជនឹងនាំមកនូវសុភមង្គល និងជោគជ័យចូលមកក្នុងជីវិតរបស់ ពួកគេ ។ ប្រទេសចិនសត្វនាគរាជ គឺជាសត្វដែលមានបារមី និងមានថាមពល ខ្លាំងពូកែជាងសត្វនានានៅលើលោក ។
No comments:
Post a Comment