រាសី ប្រចំាថ្ងៃសុក្រ ទី២០ ខែមិថុនា ឆ្នាំ២០១៤
ឆ្នាំជូតពង្សទេព្តាប្រុស ធាតុទឹក បណ្តូលរាសីធ្លាក់ចុះ។លោកអ្នកគប្បីប្រយ័ត្នគ្រប់វិនាទីទាំងអស់ព្រោះថាថ្ងៃនេះលោកអ្នកនឹងត្រូវទទួលរងនូវការឈឺផ្សាបណ្តាលមកពីការបំពេញការងារគ្មានការប្រុងប្រយ័ត្ន។ ទឹកចិត្តក្លាហានកម្លាំងកាយមានបរិបូរណ៍តែខ្វះនូវគំនិតច្នៃប្រឌិត។ការនិយាយស្តីទៅតាមការនឹកឃើញខ្វះការពិចារណា។រីឯបញ្ហាស្នេហានឹងមានការអាក់អន់ចិត្តចំពោះដៃគូ។
ឆ្នាំឆ្លូវ ធាតុដី ពង្សមនុស្សប្រុស បណ្តូលរាសីល្អបង្គួរ។ ការប្រកបរបររកទទួលទានចំណេញតិច។សុខភាពផ្លូវកាយល្អប្រសើរ។ ទឹកចិត្តមានក្ដីសោមនស្សរីករាយ។ ការនិយាយស្តីប្រកបដោយវិចារណញ្ញាណការធ្វើដំណើរជិតឆ្ងាយមានសុវត្ថិភាព។ ចូលចិត្តរាប់អានមានអធ្យាស្រ័យល្អ។ លោកអ្នកនឹងទទួលបាននូវដំណឹងល្អគួរជាទីពេញចិត្ត។ បញ្ហាស្នេហាមានដំណើរការទៅយ៉ាងរលូន។
ឆ្នាំខាល ធាតុឈើ ពង្សយក្សស្រី បណ្តូលរាសីស្រុតចុះខ្លាំង។រាល់ការសម្រេចចិត្តផ្សេងៗគប្បីសុំយោបល់ពីអ្នកដែលមានបទពិសោធ។ការប៉ាន់ស្មានស្ថានការណ៍ច្រើនតែខុស។ផ្លូវចិត្តមានសភាពតានតឹងខ្លាំង។ការធ្វើដំណើរទៅកាន់ទីជិតឆ្ងាយត្រូវប្រយ័ត្ន។ ដំណឹងដែលទទួលបានមានរឿងល្អលាយឡំនឹងរឿងមិនសូវល្អ។បញ្ហាស្នេហាក៏ត្រូវតែអត់ធ្មត់ប្រយ័ត្នឈានដល់ការបែកបាក់គ្នា។
ឆ្នាំថោះ ធាតុឈើ ពង្សមនុស្សស្រី បណ្តូលរាសីស្រុតចុះ។ការនិយាយស្តីមានលើសលស់ខ្វះខាតទៅកាន់អ្នកផងគ្នា។ មុខរបររកទទួលទានអាចបានត្រឹមតែរួចដើម។ ទឹកចិត្តមានភាពមោះមុតអង់អាចប៉ុន្តែគប្បីកុំបណ្តែតបណ្តោយតាមចិត្តនឹកឃើញឲ្យសោះពុំនោះទេប្រាកដជាមានផលអាក្រក់ចំពោះអ្នក។ គូស្នេហ៍ខ្វះការយល់ចិត្តគ្នាបណ្តាលឲ្យទំនាស់តូចតាចប្រែក្លាយជាធំដូច្នេះត្រូវប្រយ័ត្នប្រយែងបន្តិច។
ឆ្នាំរោង ធាតុមាស ពង្សទេព្តាប្រុស បណ្តូលរាសីស្រុតចុះខ្លាំង។ ការបំពេញកិច្ចការមិនស្វាហាប់ធ្វើឲ្យអ្នកដទៃខ្វះទំនុកចិត្តចំពោះរូបអ្នក។ការនិយាយស្តីច្រើនធ្វើឲ្យប៉ះពាល់ដល់អ្នកដទៃដោយមិនដឹងខ្លួន។ លោកអ្នកហាក់ដូចជាមានចិត្តសប្បាយរីករាយបែបអាត្មានិយមធ្វើឲ្យអ្នកដទៃក្តៅក្រហាយ។ ការប្រកបរបររកទទួលទានអាចរងការខាតបង់។ ស្នេហាអាចមានការទាស់ទែងគ្នាខ្លះៗ។
ឆ្នាំម្សាញ់ ធាតុភ្លើង ពង្សមនុស្សប្រុស បណ្តូលរាសីមធ្យម។ រាល់ការប្រកបរបររកទទួលទានបានផលជាបង្គួរ។ការធ្វើដំណើរទៅកាន់ទីជិតឆ្ងាយមិនសូវមានគេទទួលរាក់ទាក់ប៉ុន្មានទេ។ ការនិយាយស្តីអាចមានគេនិន្ទាខ្លះៗដោយមិនដឹងខ្លួន។ បញ្ហាស្នេហាមានសភាពជាធម្មតាគ្មានអ្វីគួរឲ្យបារម្ភឡើយ។ ទឹកចិត្តកើតមាននូវក្តីសៅហ្មងមួយចំនួនទាំងនេះបណ្តាលមកពីសុខភាពមិនអំណោយផល។
ឆ្នាំមមី ធាតុភ្លើង ពង្សទេព្តាស្រី បណ្តូលរាសីស្រុតចុះ។ សុខភាពផ្លូវកាយទ្រុឌទ្រោមព្រមជាមួយនឹងសុខភាពផ្លូវចិត្តក៏មិនសូវជាជ្រះស្រឡះដែរធ្វើឲ្យការងារសព្វសារពើស្ថិតក្នុងសភាពទ្រឹង។ ការធ្វើដំណើរជិតឆ្ងាយគួរតែប្រុងប្រយ័ត្នតាមដែលអាចធ្វើទៅបាន។ ការនិយាយស្ដីស្ងៀមស្ងាត់ជាជាងស្រដី។ការប្រកបរបររកទទួលទានបានត្រឹមរួចដើម។ គូស្នេហ៍បង្កើនការយកចិត្តទុកដាក់ចំពោះគ្នា។
ឆ្នាំមមែ ធាតុមាស ពង្សទេព្តាស្រី បណ្តូលរាសីស្រុតចុះ។ ការធ្វើដំណើរជិតឆ្ងាយគួរតែផ្អាកសិន។ ការនិយាយស្ដីច្រើនតែពោលពាក្យតាមការនឹកឃើញ។ សុខភាពផ្លូវកាយនិងផ្លូវចិត្តមានបញ្ហាដំណាលគ្នា។ ការប្រកបរបររកទទួលទានអាចខាតបង់ដោយសារតែជឿទុកចិត្តអ្នកដទៃពេក។ ទំនាក់ទំនងស្នេហារងការឈ្នានីសពីអ្នកដទៃប៉ុន្តែលោកអ្នកហាក់មានជំហររឹងមាំជឿជាក់ចំពោះគ្នា។
ឆ្នាំវក ធាតុដែក ពង្សយក្សប្រុស បណ្តូលរាសីបង្គួរ។ការធ្វើដំណើរទៅកាន់ទីជិតឆ្ងាយដើម្បីបំពេញការងារក្តីដើម្បីពិភាក្សាពីអាជីវកម្មក្តីតែងបានផលមធ្យមការនិយាយស្តីខ្វះការពិចារណាច្រើនមិនហុចផលល្អប៉ុន្មានទេ។ សុខភាពមិនមានផលប៉ះពាល់អ្វីឡើយ។ ទឹកចិត្តសោមនស្សរីករាយប៉ុន្តែលោកអ្នកគួរយកចិត្តទុកដាក់បន្តិចចំពោះបញ្ហាស្នេហាព្រោះអាចមានទំនាស់ខ្លះៗផ្ទុះឡើង។
ឆ្នាំរកា ធាតុដែក ពង្សយក្សប្រុស បណ្តូលរាសីស្រុតចុះ។លោកអ្នកមានសមត្ថភាពក្នុងការបំពេញការងារផ្សេងៗ ប៉ុន្តែពុំទាន់មានឱកាសហុចឲ្យទេ។ ទឹកចិត្តប្រកបដោយក្តីមេត្តា និងករុណាប៉ុន្តែថ្ងៃនេះសំណាងមិនល្អជួបតែមនុស្សអគតិ។ ការនិយាយស្តីមិនសូវបានវោហារធ្វើឲ្យអ្នកដទៃឆ្លៀតកេងចំណេញពីលើ។ ដោយឡែកបញ្ហាស្នេហាពុំមានអ្វីគួរឲ្យបារម្ភនោះទេ។
ឆ្នាំច ធាតុដី ពង្សយក្សស្រី បណ្តូលរាសីធ្លាក់ចុះ។ការប្រកបរបររកទទួលទានមិនមានចំណូលដូចការរំពឹងទុក។ការនិយាយស្តីទៀងត្រង់ពេកធ្វើឲ្យមិនសូវគាប់ត្រចៀកអ្នកស្ដាប់ប៉ុន្មានឡើយ។ លោកអ្នកខិតខំបំពេញការងារយ៉ាងយកចិត្តទុកដាក់ឆន្ទៈមោះមុត និងតស៊ូព្យាយាម ប៉ុន្តែពុំទាន់មានលទ្ធផលហុចឲ្យ។គូស្នេហ៍មានទំនាក់ទំនងធម្មតាគ្មានបញ្ហាអ្វីគួរឲ្យបារម្ភឡើយ។
ឆ្នាំកុរ ធាតុទឹក ពង្សមនុស្សស្រី បណ្តូលរាសីឡើងខ្ពស់ត្រដែត។ សុខភាពផ្លូវកាយនិងផ្លូវចិត្តមិនសូវល្អប៉ុន្មានទេ។ លោកអ្នកមានសមត្ថភាពបំពេញកិច្ចការក្នុងការងារក៏ដូចជាមុខរបររបស់លោកអ្នកបានយ៉ាងល្អ ប៉ុន្តែត្រូវអ្នកដទៃច្រណែនឈ្នានីសចាប់ទោសអូសដំណើរ។ គូស្នេហ៍គប្បីយកចិត្តទុកដាក់ចំពោះគ្នាបន្តិចកុំឲ្យរឿងអាក្រក់កើតឡើងចំពោះអ្នក និងដៃគូស្នេហាក្នុងថ្ងៃនេះ។
No comments:
Post a Comment