គ្រែដំណេកមិនគួរឱ្យមានរបស់របរនៅពីក្រោមច្រើនឡើយ ព្រោះមិនត្រឹមតែធ្វើឱ្យរកាំរកូសក្នុង គ្រួសារទេ វាអាចបង្កឱ្យប៉ះទង្គិច ដល់កិច្ចការងារ ប្រចាំថ្ងៃទៀតផង ។
ផលប៉ះទង្គិចនៃរបស់របរសុកមម៉ុកនៅក្រោមគ្រែ៖ អ្នកនឹងរកភាពចម្រើនលូតលាស់ខាងផ្នែក ការងារ និងប្រាក់កាសពុំសូវបានឡើយ ប្រសិនបើក្រោមគ្រែ មានរបស់រាយប៉ាយឥតសណ្តាប់ធ្នាប់ ។ ក្រៅពីនេះដំណើរជីវិតដែលធ្លាប់សុខដុមល្អ ប្រែមកជារកាំរកូស ។ ចំពោះស្វាមីភរិយា តែងមានការប៉ះទង្គិច ពាក្យសម្តីគ្នាញឹកញាប់ ។
តាមជំនឿឱ្យដឹងទៀតថា ស្ត្រីដែលកំពុងមានគភ៌អាចបង្កឱ្យរលូតកូនបានយ៉ាងងាយ ហើយសម្រាប់ អ្នកដេកលើគ្រែ មានចិត្តច្របូកច្របល់ មិនសូវមានសេចក្តីសុខ ក្នុងខ្លួនឡើយ ។
វិធីបំបាត់ឧបទ្រព្យចង្រៃ ៖ ចូរនាំយករបស់របរដែលទុកនៅក្រោមគ្រែចេញ្ញ ហើយយកទៅទុកកន្លែងផ្សេង ធ្វើការបោសសម្អាតឱ្យស្អាតជានិច្ច ។ ប្រសិនបើក្នុងករណីចាំបាច់ ត្រូវដាក់របស់របរ នៅក្រោមគ្រែ ត្រូវរកប្រអប់មកដាក់រៀបចំឱ្យមាន របៀបហើយមិនត្រូវយករបស់ បាក់បែក ដាក់ទុកក្រោមគ្រែ ជាដាច់ខាត ។
ត្រូវចងចាំថា យកល្អនោះ គឺមិនគួរទុកដាក់អ្វីនៅក្រោមគ្រែឡើយ ៕
No comments:
Post a Comment