រាសី ប្រចំាថ្ងៃអង្គារ ទី២៤ ខែមិថុនា ឆ្នំា២០១៤
ឆ្នាំជូតពង្សទេព្តាប្រុស ធាតុទឹក រាសីល្អបង្គួរ។ ការប្រកបរបររកទទួលទានបានផលចំណេញយ៉ាងស្តួចស្តើង តែលោកអ្នកហាក់សប្បាយចិត្តនឹងទង្វើរបស់ខ្លួន។ ការនិយាយស្តីត្រូវបានឆ្លងកាត់ការពិចារណាយ៉ាងល្អិតល្អន់។ ការធ្វើដំណើរទៅកាន់ទីជិតឆ្ងាយតែងមានគេចាំទទួលរាក់ទាក់។ សុខភាពផ្លូវកាយត្រូវបៀតបៀនដោយជំងឺ។ បញ្ហាស្នេហាមិនមានអ្វីប្រែប្រួលឡើយ។
ឆ្នាំឆ្លូវ ធាតុដី ពង្សមនុស្សប្រុស រាសីឡើងខ្ពស់ត្រដែត។ លោកអ្នកមានសមត្ថភាពអាចសម្រេចកិច្ចការធំបាន មានសមត្ថភាពខាងបង្កើតគំនិតច្នៃប្រឌិតថ្មីៗជានិច្ចជាពិសេសគឺមាន ភាពម្ចាស់ការលើខ្លួនឯង។ ការធ្វើដំណើរទៅកាន់ទីជិតឆ្ងាយតែងមានការទទួលរាក់ទាក់។ មុខរបររកទទួលទានមានដំណើរការបានប្រសើរ។ បញ្ហាស្នេហាគូស្នេហ៍មានអធ្យាស្រ័យចំពោះគ្នាទៅវិញទៅមក។
ឆ្នាំខាល ធាតុឈើ ពង្សយក្សស្រី រាសីមធ្យម។ ការបំពេញកិច្ចការផ្សេងៗទទួលបានផលមិនជាល្អប៉ុន្មានឡើយ។ ការនិយាយស្តីមិនចុះសម្រុងគ្នានឹងអ្នកស្តាប់។ ការប្រកបរបររកទទួលទានបានផលបង្គួរ។ ទឹកចិត្តជាឧបេក្ខាសុខភាពមិនសូវល្អ។ ការទទួលដំណឹងច្រើនតែមិនពិត។ ការធ្វើដំណើរទៅកាន់ទីជិតឆ្ងាយប្រកបដោយសុវត្ថិភាព។ ស្នេហាមានការចុះសម្រុងនឹងគ្នាបានល្អ។
ឆ្នាំថោះ ធាតុឈើ ពង្សមនុស្សស្រី រាសីស្រុតចុះ។ ការប្រកបរបររកទទួលទានត្រូវប្រើប្រាស់កម្លាំងកាយយ៉ាងច្រើន។ ឯទឹកចិត្តក៏មានសភាពទ្រុឌទ្រោមធ្វើឲ្យលទ្ធផលបានពីការងារ ហាក់ដូចជាមិនស័ក្តិសមទៅនឹងការខិតខំប្រឹងប្រែង។ គូស្នេហ៍មានការយោគយល់គ្នាយ៉ាងល្អប្រសើរ ពោលគឺចេះអធ្យាស្រ័យចំពោះគ្នាទៅវិញទៅមក។ ការនិយាយស្តីខ្វះការពិចារណានាំឲ្យមានផលវិបាកទៅថ្ងៃក្រោយ។
ឆ្នាំរោង ធាតុមាស ពង្សទេព្តាប្រុស រាសីឡើងខ្ពស់ត្រដែត។ លោកអ្នកមានសុខភាពផ្លូវកាយល្អ។ ទឹកចិត្តពោរពេញដោយក្តីសោមនស្សរីករាយ។ ប៉ុន្តែចំពោះការបំពេញការងារផ្សេងៗហាក់ពុំសូវស្វាហាប់។ ការធ្វើដំណើរប្រកបដោយសុវត្ថិភាពគ្រប់ទិសទី។ ការនិយាយស្តីពុំសូវមានឥទ្ធិពលលើអ្នកស្តាប់ប៉ុន្មានឡើយ។ រីឯបញ្ហាស្នេហាគូស្នេហ៍មានការយកចិត្តទុកដាក់ចំពោះគ្នាយ៉ាងប្រសើរ។
ឆ្នាំម្សាញ់ ធាតុភ្លើង ពង្សមនុស្សប្រុស រាសីឡើងខ្ពស់ត្រដែត។ រាល់ការប្រកបរបររកទទួលទានផ្សេងៗបានផលកាក់កបជាធម្មតា។ ការធ្វើដំណើរទៅកាន់ទីជិតឆ្ងាយទទួលបាននូវសុវត្ថិភាព។ ទឹកចិត្តសប្បាយរីករាយមិនមានជំងឺមកបៀតបៀនរូបកាយ និងមានសមត្ថភាពដោះស្រាយបញ្ហាផ្សេងៗ។ សេចក្តីស្នេហាគឺមានការយល់ចិត្តថ្លើមគ្នាបានល្អ។ រីឯការធ្វើដំណើរតែងមានជោគជ័យជាប់ជានិច្ច។
ឆ្នាំមមី ធាតុភ្លើង ពង្សទេព្តាស្រី រាសីល្អបង្គួរ។ លោកអ្នកនឹងទទួលបាននូវមុខងារថ្មីសម្រាប់បំពេញ។ ការនិយាយស្តីខ្លះក៏យកជាការបាន តែខ្លះក៏មិនបាន។ មុខរបររកទទួលទានបានផលចំណេញតិចតួចដោយសារមិនយល់ពីតម្រូវការរបស់ អតិថិជន។ ការធ្វើដំណើរទៅកាន់ទីជិតឆ្ងាយគប្បីប្រយ័ត្ន។ បញ្ហាស្នេហាត្រូវមានការអត់ធ្មត់ចំពោះដៃគូឲ្យបានច្រើនប្រយ័ត្នមាន ការបែកបាក់។
ឆ្នាំមមែ ធាតុមាស ពង្សទេព្តាស្រីរាសីបង្គួរ។ ការប្រកបរបររកទទួលទានហុចផលចំណេញសមរម្យពោលគឺមិនតិចតែក៏មិន ច្រើនដែរ។ សុខភាពផ្លូវកាយមាំមួនរហ័សរហួន។ តែទឹកចិត្តហាក់ពុំសប្បាយរីករាយ។ ការធ្វើដំណើរទៅកាន់ទីជិតឆ្ងាយអាចមានឧបសគ្គខ្លះៗ ប៉ុន្តែក៏មានអ្នកចាំជួយយកអាសាដែរ។ គូស្នេហ៍មានការលះបង់ខ្ពស់ចំពោះគ្នាធ្វើឲ្យចំណងមេត្រីកាន់តែរឹងមាំ លើសគ្រាកន្លង។
ឆ្នាំវក ធាតុដែក ពង្សយក្សប្រុស រាសីឡើងខ្ពស់ត្រដែត។ សុខភាពផ្លូវកាយល្អ និងមានភាពស្វាហាប់ក្នុងការងារ។ ដោយឡែកផ្លូវចិត្តក៏កាន់តែប្រសើរទៅទៀត។ ហេតុនេះលោកអ្នកអាចមានសមត្ថភាពបំពេញកិច្ចការផ្សេងៗ ប្រកបដោយការយកចិត្តទុកដាក់។ ការធ្វើដំណើរទៅកាន់ទីជិតឆ្ងាយមានសុវត្ថិភាព។ បញ្ហាស្នេហាដៃគូគួរតែបង្កើតអនុស្សាវរីយ៍ថ្មីជាមួយគ្នាបន្ថែមទៀត ដើម្បីរឹតចំណងស្នេហ៍។
ឆ្នាំរកា ធាតុដែក ពង្សយក្សប្រុស រាសីមធ្យម។ ទឹកចិត្តសប្បាយរីករាយ។ កម្លាំងកាយបរិបូរណ៍។ ការនិយាយស្តីច្រើនឡេះឡោះមិនអាចយកជាការបានឡើយ។ ឯការប្រកបរបររកទទួលទានវិញបានផលតិចតួច។ ការធ្វើដំណើរទៅកាន់ទីជិតឆ្ងាយមានសុវត្ថិភាពធម្មតា។ គូស្នេហ៍អាចមានការរង្កៀសចិត្ត ឬទាស់សម្ដីគ្នាតិចតួច ប៉ុន្តែមិនមានបញ្ហាអ្វីធំដុំគួរឲ្យបារម្ភឡើយ។
ឆ្នាំច ធាតុដី ពង្សយក្សស្រី រាសីឡើងខ្ពស់ត្រដែត។ លោកអ្នកមានសមត្ថភាពអាចសម្រេចកិច្ចការធំបាន និងពូកែបង្កើតគំនិតច្នៃប្រឌិតថ្មីៗ ជាពិសេសគឺមានភាពម្ចាស់ការលើខ្លួនឯង។ ការធ្វើដំណើរទៅកាន់ទីជិតឆ្ងាយតែងមានការទទួលរាក់ទាក់។ មុខរបររកទទួលទានមានដំណើរការបានប្រសើរគាប់ចិត្ត។ បញ្ហាស្នេហាគូស្នេហ៍មានទំនាក់ទំនងចុះសម្រុងគ្នា និងអធ្យាស្រ័យល្អចំពោះគ្នា។
ឆ្នាំកុរ ធាតុទឹក ពង្សមនុស្សស្រីរាសីឡើងខ្ពស់ត្រដែត។ ការប្រកបរបររកទទួលទានបានចំណេញគាប់ចិត្ត។ ការនិយាយស្តីមានហេតុផលត្រឹមត្រូវ។ លោកអ្នកមានចិត្តសោមនស្សរីករាយចំពោះអំពើជាកុសល និងមានសមត្ថភាពគ្រប់គ្រាន់ក្នុងការគិតរិះរកដំណោះស្រាយ។ ជាមួយគ្នានេះដែរ បញ្ហាស្នេហាដៃគូមានការចុះសម្រុងគ្នាល្អណាស់ធ្វើឲ្យចំណងស្នេហ៍ ស្អិតល្មួត។
No comments:
Post a Comment