ការលូតលាស់ល្អរបស់វាអាចជួយកាត់បន្ថយស្ត្រេស ការធុញថប់ ភាពច្របូកច្របល់និងគ្រោះថ្នាក់ចង្រៃទាំងឡាយ ។ បើរុក្ខជាតិនោះវាចេញផ្កាហើយផ្តល់ជាផ្លែទៀតនោះ វាធ្វើឱ្យហុងស៊ុយនៅក្នុងគេហដ្ឋាន គឺកាន់តែល្អ ។ រុក្ខជាតិ សម្រាប់ដាំក្នុងគេហដ្ឋានដែលគេនិយមនិងមានជំនឿនោះមានដូចជា :
ប្រទាលគជ់ គឺជាប្រភេទប្រទាលដែលគេតែងតែហៅថា ដើមលុយ ។ វាគឺ ជារុក្ខជាតិដែលនៅក្នុងប្រទេសចិន គេតែងតែដាំលម្អនៅមុខទ្វារនៃភោជនីយដ្ឋាន ឬក៏ហាងលក់អីវ៉ាន់ ព្រោះវាមានឥទ្ធិពលទាក់ទាញមនុស្សឱ្យចូលមកក្នុងហាងនិង ជួយការពាររឿងអាក្រក់បានទៀតផង ។
ប្រទាលបាទីព្រះ គឺជាប្រភេទប្រទាលម្យ៉ាងដែលគេមានជំនឿថា មានថាមពលកំចាត់ភាពអពមង្គលដោយស្លឹករបស់ វានីមួយៗមានរាងស្រួច៥មុំ ដែលវាតំណាងឱ្យទឹក ភ្លើង ដី ឈើ និងលោហៈ ។ បើសិនជាវាដុះលូតលាស់មកល្អហើយមានស្លឹក ពណ៌បៃតងស្តើងច្រើន គឺអាចបញ្ជាក់ថា ហុងស៊ុយល្អ ។ ចំណែកស្លឹកដែលមានពណ៌បៃតងចាស់សមាជិកចាស់ទុំនៅក្នុង គ្រួសារមានសេចក្តីសុខសាន្តធម្មតា ។
ដើមចេកតឿ គឺជាប្រភេទរុក្ខជាតិដែលគេដាំនៅក្នុងគេហដ្ឋាន ព្រោះតែគេមានជំនឿថាជារុក្ខជាតិម្យ៉ាងដែលនាំឱ្យរាសីនៅ ក្នុងផ្ទះកាន់តែល្អឡើង ។
ប្រទាលមកុដប្រាក់ គឺជាប្រទាលមួយប្រភេទដែលមានដើមនិងស្លឹកក្រាស់ ហើយនៅចុងស្លឹករួញអង្កាញ់ដូចទឹករលក ។ ជាទូទៅគេអាចដាំវានៅក្នុង ឬខាងក្រៅផ្ទះក៏បានដែរ ។ តាមជំនឿរបស់ប្រទេសចិនប្រទាលមកុដនេះ គឺមានថាមពលនាំលាភនិង សំណាងល្អចូលគេហដ្ឋានព្រមទាំងសមាជិកនៅក្នុងក្រុមគ្រួសារទាំងមូល ។
វល្លិមាស គឺជារុក្ខជាតិមួយប្រភេទដែលគេមានជំនឿថា ជាវល្លិមានឫទ្ធិនាំ មកនូវភាពសុខសាន្ត លាភសំណាង លុយកាក់ និងបណ្តេញនូវភាពចង្រៃ ។ ហេតុដូច្នេះហើយទើបគេតែងតែយករុក្ខជាតិមួយនេះទៅដាំនៅក្នុង គេហដ្ឋានរបស់គេ។
No comments:
Post a Comment