រាសី ប្រចំាថ្ងៃព្រហស្បតិ៍ ទី១៩ ខែមិថុនា ឆ្នំា២០១៤
ឆ្នាំជូតពង្សទេព្តាប្រុស ធាតុទឹក រាសីឡើងខ្ពស់ត្រដែត។ រាល់ការបំពេញកិច្ចការសម្រេចដូចក្ដីប្រាថ្នាជាក់ជាពុំខានឡើយ។ រីឯការធ្វើដំណើរមានការប្រុងប្រយ័ត្នខ្ពស់។ លោកអ្នកមានសតិសម្បជញ្ញៈ។ ទឹកចិត្តពោរពេញទៅដោយក្តីសោមនស្សរីករាយក្នុងផ្លូវត្រឹមត្រូវប្រពៃ។ រីឯបញ្ហាស្នេហា គូស្នេហ៍របស់អ្នកនឹងមានការទុកចិត្តចំពោះអ្នកកាន់តែខ្លាំងធ្វើឲ្យចំណងស្នេហ៍ផ្អែមល្ហែមដូចទឹកឃ្មុំ។
ឆ្នាំឆ្លូវ ធាតុដី ពង្សមនុស្សប្រុសរាសីមធ្យម។ ការពោលពាក្យសម្តីធ្វើឲ្យអ្នកផងយកចិត្តទុកដាក់ស្តាប់។ សុខភាពផ្លូវកាយនិងផ្លូវចិត្តមានអំណោយផលល្អមានសមត្ថភាពបំពេញការងារប្រកបដោយស្មារតីខ្ពស់ធ្វើឲ្យការបំពេញការងារទទួលបានផលគួរជាទីពេញចិត្ត។ ប៉ុន្តែគួរប្រុងប្រយ័ត្នចំពោះការធ្វើដំណើរទៅកាន់ទីជិតឆ្ងាយ និងគួរយកចិត្តទុកដាក់ចំពោះចំណងស្នេហារបស់អ្នក។
ឆ្នាំខាល ធាតុឈើ ពង្សយក្សស្រី រាសីឡើងខ្ពស់ត្រដែត។ ការប្រកបរបររកទទួលទានបានផលយ៉ាងគាប់ចិត្ត។ ការនិយាយស្តីត្រូវបានអ្នកផងយកចិត្តទុកដាក់ស្តាប់ គោរព និងកោតសរសើរយ៉ាងអស់ពីចិត្ត។ ការធ្វើដំណើរទៅកាន់ទីជិតឆ្ងាយនឹងបានដូចចិត្តដែលប៉ង។ ទឹកចិត្តប្រកបដោយក្តីសោមនស្សរីករាយ។ បញ្ហាស្នេហា គូស្នេហ៍របស់អ្នកនឹងខិតខំតម្រូវចិត្តរបស់អ្នកបានយ៉ាងប្រពៃ។
ឆ្នាំថោះ ធាតុឈើ ពង្សមនុស្សស្រី រាសីស្រុតចុះ។ រាល់ការបំពេញការងារផ្សេងៗពោរពេញដោយឧបសគ្គ សុខភាពមានបញ្ហាខ្លះៗដែលមកពីបរិយាកាស។ ការនិយាយស្តីតែងមានគេនិន្ទាធ្វើឲ្យអ្នកមានការអាក់អន់ស្រពន់ចិត្តជាខ្លាំង។ រីឯបញ្ហាស្នេហាគូស្នេហ៍ខ្វះការយល់ចិត្តគ្នាជាហេតុបណ្តាលឲ្យមានការបែកបាក់ឬ ទំនាស់ផ្សេងៗជាដើម។ ការធ្វើដំណើរជិតឆ្ងាយមានសុវត្ថិភាពធម្មតា។
ឆ្នាំរោង ធាតុមាស ពង្សទេព្តាប្រុស រាសីមធ្យម។ កត្តាចម្បងគួរយកចិត្តទុកដាក់ទៅលើសុខភាពទាំងផ្លូវកាយ និងផ្លូវចិត្ត បើពុំនោះទេនឹងបណ្តាលឲ្យហេតុការណ៍មិនល្អកើតឡើងដូចជា ការពោលពាក្យសម្តីមិនពីរោះពិសា មិនមានការជួយជ្រោមជ្រែងពីមនុស្សជុំវិញខ្វះសមត្ថភាពបំពេញការងារឲ្យបានល្អ ធ្វើឲ្យមុខរបរត្រូវខាតបង់។ ដោយឡែកគូស្នេហ៍មានការយល់ចិត្តគ្នាជាធម្មតា។
ឆ្នាំម្សាញ់ ធាតុភ្លើង ពង្សមនុស្សប្រុស រាសីមធ្យម។ សុខភាពផ្លូវកាយក្តី ផ្លូវចិត្តក្តីមានអំណោយផលជាប្រក្រតី តែគួរប្រយ័ត្នចំពោះការពោលពាក្យសម្តីទៅកាន់អ្នកផងព្រោះអាចមានគេនិន្ទា។ ការប្រកបរបររកទទួលទានបានផលជាបង្គួរ។ រីឯបញ្ហាស្នេហាមិនគួរបណ្តាលឲ្យមានការទាស់ពាក្យសម្តីគ្នាទេ បើពុំដូច្នោះនឹងធ្វើឲ្យរឿងតូចក្លាយទៅជារឿងធំ។ ការធ្វើដំណើរទៅទីជិតឆ្ងាយមានសុវត្ថិភាពធម្មតា។
ឆ្នាំមមី ធាតុភ្លើង ពង្សទេព្តាស្រី រាសីមធ្យម។ លោកអ្នកមានសមត្ថភាពប្រើកម្លាំងកាយជាងកម្លាំងប្រាជ្ញា។ នេះបណ្តាលមកពីលោកអ្នកមានសុខភាពផ្លូវកាយល្អ តែចិត្តមានការហ្មងសៅខ្លះៗ ហេតុនេះគួរស្តាប់ព្រះ-ធម៌ឲ្យបានច្រើនដើម្បីជម្រះចិត្តសៅហ្មង។ រីឯការនិយាយស្តីក៏មិនសូវជាល្អប៉ុន្មានដែរ។ លោកអ្នកអាចទទួលដំណឹងល្អខ្លះៗ។ បញ្ហាស្នេហាគូស្នេហ៍របស់អ្នកយល់ពីទឹកចិត្តរបស់អ្នក។
ឆ្នាំមមែ ធាតុមាស ពង្សទេព្តាស្រី រាសីស្រុតចុះ។ ទឹកចិត្តប្រកបដោយទោមនស្ស គួរយកចិត្តទុកដាក់អានសៀវភៅធម៌ផ្សេងៗ ដើម្បីឲ្យមានចិត្តស្ងប់។ សុខភាពមានជំងឺជ្រៀតជ្រែកដល់រូបកាយ។ ការប្រកបរបររកទទួលទានមានការខាតបង់។ ការធ្វើដំណើរទៅកាន់ទីជិតឆ្ងាយតែងមានឧបសគ្គរារាំង។ ដោយឡែកបញ្ហាស្នេហាគូស្នេហ៍បានយល់ពីក្តីលំបាករបស់អ្នក និងយកចិត្តទុកដាក់ដល់រូបអ្នកពេញទំហឹង។
ឆ្នាំវក ធាតុដែក ពង្សយក្សប្រុស រាសីឡើងខ្ពស់ត្រដែត។ លោកអ្នកនឹងទទួលបាននូវវត្ថុអនុស្សាវរីយ៍ ឬក៏ជំនូនពីនរណាម្នាក់។ ការប្រកបរបររកទទួលទានបានផលចំណេញលើសពីការស្មាន។ ការធ្វើដំណើរប្រកបដោយសុវត្ថិភាពមានស្វ័យភាពក្នុងការសម្រេចចិត្ត។ សុខភាពល្អមានអារម្មណ៍ជ្រះស្រឡះ ស្របនឹងទឹកចិត្តសប្បាយរីករាយ។ បញ្ហាស្នេហាមិនមានអ្វីឲ្យបារម្ភទេ។
ឆ្នាំរកា ធាតុដែក ពង្សយក្សប្រុស រាសីឡើងខ្ពស់ត្រដែត។ កិច្ចការសព្វសារពើដែលលោកអ្នកបានបំពេញនឹងទទួលបាននូវជោគជ័យយ៉ាង ត្រចះត្រចង់។ ការបំពេញកិច្ចការត្រូវបានអ្នកដទៃគាំទ្រនិងផ្តល់នូវកម្លាំង ចិត្តដល់អ្នក ធ្វើឲ្យអ្នកមានចិត្តសប្បាយរីករាយជាអនេក។ សុខភាពល្អ។ ការនិយាយស្តីប្រកបដោយវិចារណញ្ញាណ។ បញ្ហាស្នេហាដៃគូរបស់អ្នកនឹងបានយល់ពីទឹកចិត្តរបស់អ្នក។
ឆ្នាំច ធាតុដី ពង្សយក្សស្រី រាសីស្រុតចុះ។ ការធ្វើដំណើរទៅកាន់ទីជិតឆ្ងាយដើម្បីបំពេញការងារអាចជួបនូវ ភាពបរាជ័យធ្វើឲ្យមានការធ្លាក់ទឹកចិត្តជាខ្លាំង។ លោកអ្នកមានសមត្ថភាពបំពេញការងារ ប៉ុន្តែត្រូវរង់ចាំឱកាសល្អក្នុងការបញ្ចេញស្នាដៃ។ ការនិយាយស្តីមានភាពរអាក់រអួលមិនគាប់ចិត្តអ្នកស្តាប់។ គូស្នេហ៍គ្មានការយល់ចិត្តគ្នាគ្មានការអធ្យាស្រ័យចំពោះគ្នា។
ឆ្នាំកុរ ធាតុទឹក ពង្សមនុស្សស្រី រាសីឡើងខ្ពស់ត្រដែត។ ការសម្រេចភារកិច្ចតែងទទួលបានជោគជ័យជានិច្ច។ ការនិយាយស្តីប្រកបដោយហេតុផលត្រឹមត្រូវធ្វើឲ្យលោកអ្នកមាន ប្រៀបលើដៃគូសន្ទនា។ សុខភាពល្អមានស្មារតីភ្លឺស្វាងមានសមត្ថភាពគិតបញ្ហាដែលនៅចំពោះមុខបានយ៉ាងល្អ។ ការធ្វើដំណើរប្រកបដោយការប្រុងប្រយ័ត្នខ្ពស់។ ស្នេហាមានការចុះសម្រុងគ្នាយ៉ាងល្អប្រពៃ។
No comments:
Post a Comment