រាសី ប្រចំាថ្ងៃសៅរ៍ ទី១០ ខែឧសភា ឆ្នាំ២០១៤
ឆ្នាំជូត រាសីល្អបង្គួរ។ ការប្រកបរបររកទទួលទានចំណេញតិចតួច។ សុខភាពផ្លូវកាយល្អប្រសើរ។ ទឹកចិត្តសោមនស្សរីករាយ។ ការនិយាយស្តីប្រកបដោយវិចារណញ្ញាណ។ ការធ្វើដំណើរទៅកាន់ទីជិតឆ្ងាយមានសុវត្ថិភាព។ ចូលចិត្តរាប់អានមានអធ្យាស្រ័យល្អ។ លោកអ្នកនឹងទទួលបាននូវដំណឹងល្អគួរជាទីពេញចិត្ត។ ស្នេហាមានដំណើរការទៅយ៉ាងរលូន។
ឆ្នាំឆ្លូវ រាសីស្រុតចុះ។ សុខភាពផ្លូវកាយនិងផ្លូវចិត្តមានសភាពទ្រុឌទ្រោមព្រោះត្រូវប្រើ ប្រាស់កម្លាំងច្រើនក្នុងការបំពេញការងារ ប៉ុន្តែមិនសូវទទួលបានផលតបស្នងប៉ុន្មានឡើយ។ ការនិយាយស្តីច្រើនពោលនូវពាក្យរោយរាយឥតប្រយោជន៍។ ការធ្វើដំណើរទៅកាន់ទីជិតឆ្ងាយមានការខាតបង់។ គូស្នេហ៍អាចមានការឈ្លោះទាស់ទែងគ្នា និងឈានទៅដល់ការបែកបាក់។
ឆ្នាំខាល រាសីឡើងខ្ពស់ត្រដែត។ រាល់ការបំពេញកិច្ចកាផ្សេងៗនឹងសម្រេចដូចចិត្តដែលបានគិតទុកជាក់ ជាពុំខានឡើយ។ រីឯការធ្វើដំណើរប្រកបដោយការប្រុងប្រយ័ត្នខ្ពស់។ លោកអ្នកមានសតិសម្បជញ្ញៈបណ្តាលឲ្យទឹកចិត្តពោរពេញទៅដោយក្តីសោមនស្ស រីករាយ។ រីឯបញ្ហាស្នេហាគូស្នេហ៍របស់អ្នកនឹងមានការទុកចិត្តចំពោះ អ្នកកាន់តែខ្លាំងលើសគ្រាកន្លង។
ឆ្នាំថោះ រាសីស្រុតចុះ។ ការប្រកបរបររកទទួលទានបានផលជាធម្មតា ប៉ុន្តែត្រូវចំណាយកម្លាំងកាយ និងកម្លាំងចិត្តយ៉ាងច្រើន។ ការនិយាយស្តីប្រកបដោយការគោរពតែជាអកុសល ព្រោះថាថ្ងៃនេះលោកអ្នកប្រទះតែជនអគតិ។ សេចក្តីព្យាយាមត្រូវធ្លាក់ចុះការធ្វើដំណើរទៅកាន់ទីជិតឆ្ងាយអាច មានគ្រោះដល់អ្នក។ គូស្នេហ៍មានអារម្មណ៍មិនសូវល្អចំពោះគ្នាប៉ុន្មានឡើយ។
ឆ្នាំរោង រាសីមធ្យម។ សុខភាពផ្លូវកាយក្តីផ្លូវចិត្តក្តីមានអំណោយផលជាប្រក្រតី តែគួរប្រយ័ត្នចំពោះការពោលពាក្យសម្តីទៅកាន់អ្នកផង ព្រោះអាចមានគេនិន្ទា។ ការប្រកបរបររកទទួលទានបានផលជាបង្គួរ។ ការធ្វើដំណើរមានសុវត្ថិភាពធម្មតា។ បញ្ហាស្នេហាមិនគួរបណ្តាលឲ្យមានការទាស់ពាក្យសម្តីគ្នាទេ បើពុំដូច្នោះទេនឹងឈានទៅរកការប្រេះឆាជាមិនខាន។
ឆ្នាំម្សាញ់ រាសីឡើងខ្ពស់ត្រដែត។ លោកអ្នកនឹងទទួលបាននូវវត្ថុអនុស្សាវរីយ៍ ឬក៏ជំនូនពីនរណាម្នាក់ដោយភ្ញាក់ផ្អើល។ ការប្រកបរបររកទទួលទានបានផលចំណេញលើសពីការស្មាន។ ការធ្វើដំណើរប្រកបដោយសុវត្ថិភាព។ លោកអ្នកមានស្វ័យភាពក្នុងការសម្រេចចិត្ត។ សុខភាពល្អ។ អារម្មណ៍ជ្រះស្រឡះ។ ទឹកចិត្តសប្បាយរីករាយ។ បញ្ហាស្នេហាមិនមានអ្វីឲ្យបារម្ភទេ។
ឆ្នាំមមី រាសីឡើងខ្ពស់ត្រដែត។ ការសម្រេចភារកិច្ចផ្សេងៗតែងទទួលបានជោគជ័យជានិច្ច។ ការនិយាយស្តីប្រកបដោយហេតុផលត្រឹមត្រូវធ្វើឲ្យលោកអ្នកមានប្រៀបលើ ដៃគូសន្ទនា។ សុខភាពល្អស្មារតីភ្លឺស្វាងមានសមត្ថភាពគិតបញ្ហាដែលនៅចំពោះមុខបាន យ៉ាងល្អ។ ការធ្វើដំណើរប្រកបដោយការប្រុងប្រយ័ត្នខ្ពស់។ ស្នេហាមានការចុះសម្រុង និងស្វែងយល់ចិត្តគ្នាបានល្អ។
ឆ្នាំមមែ រាសីមធ្យម។ រាល់ការប្រកបរបររកទទួលទានបានផលជាបង្គួរ។ ការធ្វើដំណើរទៅកាន់ទីជិតឆ្ងាយមិនសូវមានគេទទួលរាក់ទាក់ ប៉ុន្មានទេ។ ការនិយាយស្តីអាចមានគេនិន្ទាខ្លះៗ។ បញ្ហាស្នេហាមានសភាពជាធម្មតាមិនមានរឿងរ៉ាវអ្វីពិសេសគួរឲ្យ កត់សម្គាល់នោះទេ។ ទឹកចិត្តអាចកើតមាននូវក្តីសៅហ្មងមួយចំនួនទាំងនេះបណ្តាលមកពីសុខភាព មិនអំណោយផល។
ឆ្នាំវក រាសីឡើងខ្ពស់ត្រដែត។ ការប្រកបរបររកទទួលទានបានផលចំណេញយ៉ាងគាប់ចិត្ត។ ការនិយាយស្តីត្រូវបានអ្នកផងយកចិត្តទុកដាក់ស្តាប់គោរព និងកោតសរសើរយ៉ាងអស់ពីចិត្ត។ ការធ្វើដំណើរទៅកាន់ទីជិតឆ្ងាយនឹងបានដូចចិត្តដែលប៉ង។ ទឹកចិត្តប្រកបដោយក្តីសោមនស្សរីករាយ។ គូស្នេហ៍របស់អ្នកនឹងខិតខំតម្រូវចិត្តរបស់អ្នកបានយ៉ាងប្រពៃ។
ឆ្នាំរកា រាសីស្រុតចុះ។ រាល់ការបំពេញការងារផ្សេងៗខ្វះការយកចិត្តទុកដាក់ ធ្វើឲ្យការងារត្រូវទទួលបរាជ័យ ហើយលោកអ្នកបាត់បង់ស្មារតីក្នុងការបំពេញការងារផ្សេងៗ ហេតុនេះត្រូវយកចិត្តទុកដាក់ក្នុងការបំពេញការងារផ្សេងៗឲ្យបានច្រើន បំផុតតាមដែលអាចធ្វើទៅបាន។ ស្នេហាវិញក៏អាចមានផលអវិជ្ជមាន ឬកើតការទាស់ទែងខ្វែងគំនិតគ្នាដោយប្រការផ្សេងៗ។
ឆ្នាំច រាសីស្រុតចុះបន្តិច។ ការបំពេញការងារត្រូវប្រើប្រាស់កម្លាំងកាយជាជាងកម្លាំងប្រាជ្ញា។ សម្ដីច្រើនខ្វះការពិចារណាអាចធ្វើឲ្យខូចប្រយោជន៍ធំការប្រកបរបររក ទទួលទាននឹងរងនូវការខាតបង់ បណ្តាលមកពីសុខភាពផ្លូវកាយមិនប្រក្រតី។ ផ្លូវចិត្តរងនូវសម្ពាធ។ ស្នេហាមានការមិនចុះសម្រុងនឹងគ្នាដែលបណ្តាលមកពីការនិយាយស្តីអចេតនា ឬខ្វះការពិចារណា។
ឆ្នាំកុរ រាសីមធ្យម។ ការធ្វើដំណើរទៅកាន់ទីជិតឆ្ងាយបំពេញការងារក្តី ឬពិភាក្សាពីអាជីវកម្មក្តីតែងបានផលជាមធ្យម។ ការនិយាយស្តីច្រើនមិនសូវបានទទួលផលល្អប៉ុន្មានឡើយ ដូច្នេះគួរស្ងៀមស្ងាត់ជាជាងស្រដី។ បញ្ហាសុខភាពមិនមានផលបះពាល់អ្វីឡើយទឹកចិត្តពោរពេញដោយក្តី សោមនស្សរីករាយ ប៉ុន្តែលោកអ្នកគួរយកចិត្តទុកដាក់បន្តិចចំពោះរឿងស្នេហា។
No comments:
Post a Comment