តាមរយៈផ្ទះដែលអ្នកស្រមៃចង់បានឬចូលចិត្តអាចឱ្យគេមើលដឹងដល់ និស្ស័យចិត្តគំនិតរបស់អ្នកបាន ។
១-ផ្ទះល្វែងបែបទីក្រុង: ជាមនុស្សមានលក្ខណៈកក់ក្តៅ និងស្រឡាញ់មិត្តភក្តិ ប៉ុន្តែពេលខ្លះក៏ចូលចិត្តកេងចំណេញពីអ្នកដទៃខ្លះដែរ តែមិនជាធំដុំប៉ុន្មានទេ។
២-ផ្ទះនៅឆ្នេរសមុទ្រ: ជាមនុស្សស្រលាញ់ធម្មជាតិ ខ្យល់បរិសុទ្ធ និងភាព រ៉ូមែនទិក ប៉ុន្តែជាមនុស្សកំណាញ់បន្តិច ។
៣-ផ្ទះនៅដាច់តែឯង ឬផ្ទះទោល: ជាមនុស្សស្រលាញ់សេរីភាព មិនចូលចិត្តភាពអ៊ូអរ និងមានលក្ខណៈឯកជនច្រើន ។ អាចដោយសារតែលក្ខណៈបែប នេះឯង បានជានៅពេលខ្លះធ្វើឱ្យអ្នកនៅជុំវិញខ្លួនមានអារម្មណ៍តានតឹង ។
៤-ផ្ទះភ្លោះ: ជាមនុស្សមានភាពអត់ធន់ និងមានទំនួលខុសត្រូវខ្ពស់ ។ បើ ទោះជាពុំសូវមានមិត្តភក្តិច្រើនក៏ដោយ ក៏មិត្តភក្តិទាំងនោះ សុទ្ធសឹងតែជាមិត្តល្អ អាចពិភាក្សា និងជួយដោះស្រាយបញ្ហាគ្នាបាននៅពេលជួបរឿងពិបាក ។
៥-ផ្ទះធំ: ជាមនុស្សមានចិត្តលោភលន់បន្តិចហើយ ចូលចិត្តប្រាថ្នាចង់បាន អ្វីដែលខ្ពង់ខ្ពស់រហូតពេលខ្លះ ពុំសូវគិតពីអារម្មណ៍របស់អ្នកដទៃ ។
៦-ផ្ទះលើកំពូលភ្នំ: ជា មនុស្សចូលចិត្តការផ្សងព្រេង និងការប្រកួតប្រជែង សាកល្បងធ្វើអ្វីមួយលេចធ្លោ និងជាទីចាប់អារម្មណ៍ពីអ្នកដទៃ ដែលនៅជុំវិញខ្លួន។
៧-ផ្ទះប្រភេទខុនដូ: ជាមនុស្សស្រលាញ់ភាពស្ងប់ស្ងាត់ពុំសូវចូលចិត្ត រវីរវល់រឿងអ្នកដទៃ ប៉ុន្តែប្រសិនបើមានអ្នកណាមកបង្ករឿង ក៏មិនបណ្តោយឱ្យគេរួចខ្លួននោះដែរ ។
No comments:
Post a Comment