យោងតាមឯកសារក្នុងប្រទេសចិនបានឱ្យដឹងថា ព្រះនាងទេពធីតាឋានសួគ៌ទី៩នេះគឺត្រូវបាន គេចាត់ទុកជាទេពធីតាដែលនាំមកនូវអាយុយឺនយូរ ផ្តល់លាភសំណាងល្អ និងជួយការពារមនុស្សលោក ឱ្យចៀសផុតពីគ្រោះថ្នាក់ទាំងឡាយ ។ គេអាចសម្គាល់ព្រះនាងបាន គឺនៅដៃស្តាំកាន់ដាវ និងដៃឆ្វេងមានកាន់ ឃ្លោកពណ៌ស ឬជួនកាលកាន់ក្តារសម្រាប់ទាក់ទង និងទស្សន៍ទាយនូវរឿងរ៉ាវអម្ពូតហេតុនានា ។ ព័ត៌មាននោះបានផ្សាយឱ្យដឹងដែរថា ព្រះនាងត្រូវបានប្រជាជននៅក្នុងប្រទេសចិនមានជំនឿតាំងពីសម័យ អធិរាជស្តេចយ៉ូឡូ គឺនៅក្នុងអំឡុងពេលដែលអធិរាជស្តេចនេះបានធ្វើសង្គ្រាមជាមួយនឹងពួក បះបោរឆីយុ ។ ក្នុងសង្គ្រាម នោះព្រះនាងបានបង្ហាញខ្លួនជាដូនជីម្នាក់តទល់ជាមួយសត្រូវ ដោយប្រើតែស្គរមួយធ្វើពីស្បែកគោ គឺព្រះនាងគ្រាន់តែទូងស្គរមួយប្រាវពួកក្រុមបះបោរ៨០ត្រូវស្លាប់ ភ្លាមៗនៅចំពោះមុខ ។
ក្រោយពីទទួលបានជោគជ័យទើបគេដឹងថា នារីអាថ៌កំបាំងនោះគឺជាដូនដីដែលគេចាត់ទុកនាងជា ទេពធីតាតាហ្សាន ដែលនាងតែងតែចេញមុខមកជួយនគរ ដើម្បីប្រឆាំងនឹងនគរនានាដែលមានបំណង អាក្រក់មកលើនគររបស់នាង ។ ដើម្បីឱ្យនគរបានរឹងមាំនោះព្រះនាងបានហ្វឹកហាត់ក្បួនធ្វើសឹក សង្គ្រាម ដល់កងទ័ពរបស់នគរចំនួន៦ពាន់នាក់ដែលសុទ្ធសឹងមានកម្លាំង ខ្លាំងក្លា និងពូកែទាំងផ្នែកចម្បាំង និងចិត្តសាស្ត្រនៃការធ្វើសង្គ្រាមទៀតផង ។ ជាងនេះទៅទៀតនោះនាងថែមទាំងមានសមត្ថភាពអាចហោះ ហើរឡើងលើអាកាសបាន ។ ភ្នំណៃហ្សាននេះ គឺស្តេចនៃនគរយ៉ូបានកសាងប្រាសាទព្រះវិហារមួយនៅទីនោះ ដើម្បីជាកន្លែងដំណក់ និងជាកន្លែងដែលនាងធ្វើការទំនាក់ទំនងជាមួយនឹងទេវនៅលើមេឃហើយ ព្រះវិហារនៅ លើកំពូលភ្នំណៃហ្សាននេះត្រូវបានគេដាក់ឈ្មោះព្រះវិហារទេពធីតាឋាន៩ ។
No comments:
Post a Comment