នៅបស្ចិមប្រទេសស្ត្រីក្រមុំ មានល្បែងកម្សាន្តម្យ៉ាងហៅថា Hallow-tied (ល្បែងព័ទ្ធវង់) ដោយស្ត្រីមកអង្គុយព័ទ្ធវង់ម្នាក់ៗ ត្រូវចងផ្លែប៉ោមមួយចំណិតតូច ដោយខ្សែមួយសរសៃហើយបង្វិលនៅមុខ ភ្នក់ភ្លើង បើចំណិតផ្លែប៉ោមរបស់ក្រមុំណាធ្លាក់ដីមុន អ្នកនោះត្រូវបានរៀបការមុនគេ ។
ឯវិធីផ្សងរកគូព្រេងម្យ៉ាង គឺគេតម្រូវឱ្យស្រីក្រមុំ ចិតសំបកប៉ោម រហូតដល់អស់ពីផ្លែដោយមិន ឱ្យដាក់ (បើសិនដាច់ គឺប្រផ្នូលអាក្រក់) រួចគ្រវែងរំលងស្មាឆ្វេងទៅក្រោយ ។ សំបកប៉ោមដែលធ្លាក់លើដី នឹងកើតចេញជារូបរាងអក្សរកាត់ ឬតួអក្សរទី១នៃឈ្មោះស្វាមីនាអនាគត ។
ជនជាតិក្រិកបុរាណមានជំនឿថា នៅពេលបុរសចង់សុំស្ត្រីណាម្នាក់រៀបការត្រូវបោះផ្លែប៉ោមទៅឱ្យ ស្ត្រីនោះ បើនាងទទួលបាន(ចាប់បាន) នោះមានន័យថា នាងយល់ព្រមហើយ ។
ជនជាតិដាណឺម៉ាកបុរាណជឿថា នៅពេលផ្លែប៉ោមនៅជិតមនុស្សដែលក្បត់ចិត្តគូស្នេហ៍ផ្លែប៉ោម នោះនឹងស្វិត ។
ការកាត់ផ្លែប៉ោម ដោយគ្មានហេតុផលចាប់ទុកថាជាសំណាងអាក្រក់ ព្រោះប៉ោមជានិមិត្តរូបនៃ ភាពអមតៈ ភាពស្ថិតស្ថេរជានិច្ច និងសេចក្តីសុខក្រោយពេលស្លាប់ ។
ជនជាតិក្នុងតំបន់ស្កង់ឌីណាវី ជឿថា អាទិទេពរបស់ពួកគេមានជីវិតអមតៈរក្សាភាពកំលោះក្រមុំ បានរហូតដោយការទទួលទានផ្លែប៉ោមមាសរបស់អៃដាន់ ដែលជាទេពធីតានៃភាពកំលោះក្រមុំនិងរដូវស្លឹក ឈើលាស់ ។
ជនជាតិអង់គ្លេស ជឿថា ថ្ងៃទី២១តុលារៀងរាល់ឆ្នាំ ជាថ្ងៃផ្លែប៉ោម Apple's Day ព្រោះនៅសតវត្សរ៍ទី១៦ គ្រូអង់គ្លេសភាគច្រើនមានចំណូលទាបទើបឪពុកម្តាយសិស្សតែងតែបេះផ្លែ ប៉ោមដាក់ ត្រកទៅជូនលោកគ្រូ ។ លុះក្រោយមកពេលប្រាក់ខែគ្រូឡើងខ្ពស់ ក៏មានប្រពៃណីថ្ងៃនោះជាថ្ងៃរំលឹកគុណគ្រូ ដែលសិស្សតែងតែយកប៉ោមមួយផ្លែទៅជូនគ្រូ ដើម្បីសម្តែងការដឹងគុណ ។
អ្នកស្រុកដេវិនសៀរ របស់អង់គ្លេស យកផ្លែប៉ោម ព្យាបាលប្រជ្រុយនិងឫស ដោយពុះជាចំណិត រួចយកទៅត្រដុសលើប្រជ្រុយ និងឫស ឬបិទឱ្យប្រជ្រុយ ឬឫសជាដាច់ ដែលវិធីនេះត្រូវបានគេប្រតិបត្តិ រហូតដល់សព្វថ្ងៃ ។
ជនជាតិបស្ចិមប្រទេសសម័យមុន យកប៉ោម ដាក់ក្នុងថង់ដំឡូងបារាំង ដើម្បីការពារកុំឱ្យដំឡូង បារាំងដុះពន្លក ហើយបើសិនដាក់ក្នុងថង់ស្ករ ឬប្រអប់នំគុកគីវាជួយបំបាត់សំណើមបាន ។
ក្នុងរឿងព្រេងនិទានក្រិក អេរិស ទេពធីតានៃជម្លោះ ឬសង្គ្រាមត្រូវគេអញ្ជើញឱ្យចូលរួមពិធី អាពាហ៍ពិពាហ៍ នាងចង់ឱ្យពិធីរៀបការមានភាពជ្រួលច្របល់ ក៏យកផ្លែប៉ោមមាសដែលមានចារឹកអក្សរថា សម្រាប់មនុស្សដែលស្អាតបំផុត បោះឡើងទៅលើតុធ្វើឱ្យទេពធីតាដែលស្អាតស្មើគ្នា៣អង្គ គឺហេរ៉ា អាថេណា និងអាប្រូឌីដ ដណ្តើមគ្នារហូតដល់កើតសង្គ្រាមក្រុងត្រយថ៍ ។
ចំណែកក្នុងផ្នែកវិទ្យាសាស្ត្រនៅពេលលោកអ៊ីសាក់ ញូវតុន ឃើញផ្លែប៉ោមជ្រុះពីដើម គាត់ក៏បាន ស្រាវជ្រាវរកឃើញកម្លាំងទំនាញផែនដី ។
No comments:
Post a Comment