ថ្វីត្បិតតែគ្រែដេកគេអាចចុះនៅតាមជ្រុងខាងឆ្វេង ឬខាងស្តាំក្តី ប៉ុន្តែទម្លាប់របស់មនុស្សភាគច្រើន ដោយកាលបើបានក្រោកពីដំណេកហើយ តែងតែចុះពីលើគ្រែដេកដោយកំណត់យ៉ាងជាក់ច្បាស់គឺធ្លាប់ចុះជ្រុងណា ត្រូវចុះជ្រុងនោះជារៀងរាល់ថ្ងៃ ។ តែចំពោះជំនឿរបស់ពួកលោកខាងលិចបានផ្តល់ដំបូន្មានថា ថ្ងៃណាមួយដែលលោកអ្នកត្រូវប្រឈមមុខជាមួយអ្វីមួយថ្មី ដូចជាការប្រឡង លោកអ្នកត្រូវចុះពីលើគ្រែដេកតាមជ្រុងមួយទៀតដែលមិនធ្លាប់បានចុះ ។ ធ្វើយ៉ាងនេះដើម្បីចាប់ផ្តើមថ្ងៃថ្មីមួយទៀតដ៏ល្អ ហើយបទពិសោធន៍ទាំងឡាយអាចទទួលបានជោគជ័យ ។
ឈើគូសមួយដើមមិនត្រូវអុជបារី៣ដើម
ក្នុងពេលជប់លៀង ឬនៅក្នុងពិធីបុណ្យទានផ្សេងៗ លោកអ្នកមិនត្រូវប្រើឈើគូសតែមួយដើម សម្រាប់អុជបារី៣ដើម ឬលើសនេះទៀតឡើយ ជាពិសេសប្រសិនបើបានប្រើដែកកេះគឺក្រោយពីអុជបាន២ដើមរួច ក៏ត្រូវតែពន្លត់ដែរ ហើយអុជទី៣ ក៏ត្រូវកេះបញ្ឆោះសាជាថ្មី ។ ពួកបស្ចឹមប្រទេសយល់ថា បើប្រើឈើគូសតែមួយដើមអុជបារីច្រើន អាចឆេះរលាកដល់ដៃ ។ រីឯដែកនេះពេលប្រើប្រាស់យូរពេកក៏អាចក្តៅរលាកដៃដែរ ។
ពេលជួបរថយន្តដង្ហែសពត្រូវលាក់មេដៃ
លើកលែងតែបានចូលរួមនៅក្នុងពិធីបុណ្យសព ឬពិធីដង្ហែសព ប្រសិនបើលោកអ្នកកំពុងតែធ្វើដំណើរនៅតាមផ្លូវ ហើយស្រាប់តែបានជួបប្រទះនឹងរថយន្ត នាគ ដែលកំពុងតែបើកបរជាក្បួនដង្ហែសពនោះចូរប្រញាប់ប្រញាល់លាក់មេដៃ ដោយលូកចូលក្នុងហោប៉ៅ ។ ប៉ុន្តែក្បួនខ្នាតដែលត្រឹមត្រូវនោះចូរលាក់ទុកក្នុងកណ្តាប់ដៃនៃ ម្រាមទាំង៤ពុំនោះសោត គឺជាឧបសគ្គសម្រាប់សុខភាពរបស់អ្នកមានគុណទាំងពីររបស់លោកអ្នក ។
ថ្ងៃសុក្រមិនត្រូវកាត់ក្រចក
ថ្ងៃសុក្រជាពិសេសគឺនៅលើគ្រែដេកមិនត្រូវរចនា ឬកាត់ក្រចកឡើយពុំនោះសោតអាចជួបនឹងវិបត្តិស្នេហាជាក់ជាមិនខាន ។
ជាទូទៅពួកលោកខាងលិចភាគច្រើនលើសលប់សុទ្ធតែជាអ្នកមានជំនឿទៅលើ ព្រះយេស៊ូ ហើយតាមការនិទានតៗគ្នាមកថា ព្រះយេស៊ូត្រូវបោះឈើឆ្កាង នៅក្នុងថ្ងៃសុក្រ ដូច្នេះទើបជាមានពួកអ្នកកាន់សាសនាគ្រឹស្តខ្លះ ពុំទទួលទានគ្រឿងសាច់ និងមិនកាត់ក្រចកនៅក្នុងថ្ងៃសុក្រ ហើយនេះក៏ជាការំឮកដល់គុណព្រះជាម្ចាស់ដែលបានបង្ហូរ ឈាមនិងហ៊ានលះបង់ជីវិត ។
No comments:
Post a Comment