រាសី ប្រចំាថ្ងៃអង្គារ ទី១៧ ខែមិថុនា ឆ្នំា២០១៤
ឆ្នាំជូតពង្សទេព្តាប្រុស ធាតុទឹក រាសីល្អជាមធ្យម។ នៅក្នុងថ្ងៃនេះលោកអ្នកអាចទទួលរងផលលំបាកទាំងផ្លូវកាយនិងផ្លូវចិត្តដោយក្នុងនេះគប្បីមានការប្រយ័ត្នក្រុមមនុស្សទាំងនៅពីចម្ងាយនិងនៅក្បែរខ្លួនផង។ចំពោះបើជាអ្នកប្រកបរបររកស៊ីជួញដូរនៅថ្ងៃនេះវិញលោកអ្នកត្រូវចេះសន្សំទ្រព្យល្អិតល្អោចឡើងទៅកុំខំប្រមូលតែទ្រព្យធំព្រោះថ្ងៃនេះសម្បូរតែទ្រព្យល្អិតល្អោចប៉ុណ្ណោះ។ រីឯបញ្ហាគូគ្រងប្តីប្រពន្ធឬគូស្នេហ៍កំលោះក្រមុំមានដំណើរថយក្រោយនិងប្រឆាំងគ្នាច្រើន៕
ឆ្នាំឆ្លូវ ធាតុដី ពង្សមនុស្សប្រុស រាសីខ្ពស់ត្រដែត។នៅថ្ងៃនេះដោយសារដំណើរជីវិតល្អប្រសើរម្ល៉ោះហើយផ្តល់ផលល្អសម្រាប់លោកអ្នកសម្រេចចិត្តរឿងសំខាន់ឬរឿងរាវធំណាមួយពីព្រោះថាផលល្អៗតែងឆ្លើយតបមកវិញផង។ រីឯសេចក្តីស្នេហាប្រុសស្រីមានការជឿនលឿនទៅមុខនិងផ្អែមល្ហែមប្រពៃ។
ឆ្នាំខាល ធាតុឈើ ពង្សយក្សស្រី រាសីល្អជាមធ្យម។ នៅថ្ងៃនេះដំណើរជីវិតរបស់លោកអ្នកគាប់ប្រសើរគួរសមហើយបើទោះបីធ្វើអ្វីក៏តែងមានការចម្រើនលូតលាស់សន្សឹមៗទៅមុខជានិច្ច។ ការរស់នៅថ្ងៃនេះមិនមានអ្វីប្រទាំងប្រទើសគួរកត់សម្គាល់ទេហើយបើមានការប្រយ័ត្នប្រយែងនោះដំណើរជីវិតមានភាពរលូនល្អដូចសព្វមួយដង។អ្នកប្រកបរបររកស៊ីជួញដូរ បើចង់សាកល្បងជួញឆ្ងាយក៏តែងផ្តល់ផលល្អៗមកវិញជានិច្ច។ រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខនិងមានភាពស្រស់ស្រាយ៕
ឆ្នាំថោះ ធាតុឈើ ពង្សមនុស្សស្រី រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកមិនគាប់ប្រសើរប៉ុន្មានទេពីព្រោះថាធ្វើអ្វីក៏តែងជួបបញ្ហាប៉ះទង្គិចនឹងមានរឿងរាវយាយីផងដែរ។ សម្រាប់អ្នកប្រកបរបររកស៊ីជួញដូរដោយសារថ្ងៃនេះយីអ៊ុនកំពុងដាក់ស្រាប់ម្ល៉ោះហើយធ្វើឱ្យមានក្រុមមនុស្សតាមឈ្នានីសនិងព្យាបាទយាយីច្រើនដូច្នេះត្រូវរក្សាភាពស្ងប់ស្ងាត់ទើបចៀសផុតជម្លោះវិវាទទាំងពួងទៅរួច។ សម្ព័ន្ធស្នេហាកំលោះក្រមុំ ឬ ពោះម៉ាយមេម៉ាយក្តីមានការគិតផ្លូវអាក្រក់ចំពោះគ្នាច្រើនធ្វើឱ្យរកាំរកូសឥតសូវស្បើយនោះឡើយ៕
ឆ្នាំរោង ធាតុមាស ពង្សទេព្តាប្រុស រាសីល្អជាមធ្យម។ នៅថ្ងៃនេះកិច្ចការងារធ្ងន់ស្រាលបើលោកអ្នកខិតខំពុះពារដោះស្រាយតែងសម្រេចជោគជ័យមកវិញផងដែរ។ សម្រាប់អ្នកប្រកបរបររកស៊ីជួញដូរវិញមានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគប្បីមានការបើកចិត្តឱ្យទូលាយបន្តិចទើបគ្មានរឿងរ៉ាវចម្រូងចម្រាសកើតមានឡើង។ ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខនិងផ្អែមល្ហែមប្រពៃ៕
ឆ្នាំម្សាញ់ ធាតុភ្លើង ពង្សមនុស្សប្រុស រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកល្អប្រសើរដូចនេះអាចសម្រេចចិត្តរឿងសំខាន់បានពីព្រោះថាផ្លែផ្កាល្អៗតែងហុចមកវិញជានិច្ច។ ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ បញ្ហាសម្ព័ន្ធស្នេហាកំលោះក្រមុំឬ ពោះម៉ាយមេម៉ាយក្តីជួបរឿងការយល់ខុសនិងភាពប្រចែប្រច័ណ្ឌចូលលុកលុយច្រើនដូចនេះត្រូវកាត់បន្ថយការបង្កជម្លោះវិវាទចេញពីខ្លួនខ្លះទើបប្រសើរ។
ឆ្នាំមមី ធាតុភ្លើង ពង្សទេព្តាស្រី រាសីល្អជាមធ្យម។ នៅខែថ្មីនេះលោកអ្នកតោងតែសម្រុកការងារឱ្យបានពេញទីពីព្រោះថាផលល្អៗតែងហុចមកវិញជានិច្ច។ ក្រៅពីនេះបញ្ហាប្រាក់កាសក៏តែងមានលក្ខណៈល្អប្រសើរដែរពីព្រោះថាអាចទទួលផ្លែផ្កាដូចជាទីពេញចិត្តទៀតផង។ សម្រាប់អ្នកប្រកបរបររកស៊ីជួញដូរនៅថ្ងៃនេះវិញលោកអ្នកជួបប្រទះនូវរឿងរ៉ាវប្រទាំងប្រទើសច្រើនហើយបើចេះធ្វើគធ្វើថ្លង់ខ្លះទើបមានភាពសុខដុមទៅរួច។ រីឯសេចក្តីស្នេហាប្រុសស្រីជួបរឿងខ្វាយខ្វល់ព្រោះតែការគិតប្រចែប្រច័ណ្ឌច្រើនរៀងៗខ្លួន៕
ឆ្នាំមមែ ធាតុមាស ពង្សទេព្តាស្រី រាសីស្រុតចុះ។ នៅថ្ងៃនេះបើទោះបីធ្វើអ្វីក៏ដោយលោកអ្នកតោងតែងប្រយ័ត្នប្រយែងពីព្រោះថាងាយកើតបញ្ហាមិនល្អយាយីណាស់ដែរ។ សម្រាប់អ្នកប្រកបរបររកស៊ីជួញដូរបើទោះបីលោកអ្នកចេញធ្វើជំនួញទីជិតឆ្ងាយមិនទាស់ខុសអ្វីទេព្រោះថាផ្លែផ្កាដែលទទួលបានក៏មានការរីកលូតលាស់ជាសន្សឹមៗគ្រាន់បំពេញបំពង់ជានិច្ច។ រីឯបញ្ហាសេចក្តីស្នេហាកំលោះក្រមុំកុំដើរហើរពាសវាលកាលឬប្រព្រឹត្តិស្នេហាភ្លើតភ្លើនប្រយ័ត្នជួបរឿងស៊យកើតរឿងធំគ្មាននរណាជួយស្រោចស្រង់រួច។
ឆ្នាំវក ធាតុដែក ពង្សយក្សប្រុស រាសីខ្ពស់ត្រដែត។ ក្នុងថ្ងៃនេះទោះធ្វើអ្វីក៏តែងមិនទទួលរងការលំបាកដែរហើយបញ្ហាលទ្ធផលទៀតសោតក៏តែងហុចមកវិញគ្រាន់គាប់ប្រសើរផង។ ចំពោះអ្នកប្រកបរបររកស៊ីជួញដូរវិញបើលោកអ្នកចង់បើកហាងថ្មីឬផ្លាស់ប្តូរមុខរបរថ្មីជាឱកាសប្រពៃមួយដែរព្រោះអាចមានការជឿនលឿនគ្រាន់គួរសម។ ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
រីឯសេចក្តីស្នេហាប្រុសស្រីមានភាពស្រស់ស្រាយនិងផ្អែមល្ហែមគួរជាទីកក់ក្តៅ៕
ឆ្នាំរកា ធាតុដែក ពង្សយក្សប្រុស រាសីស្រុតចុះ។ នៅថ្ងៃនេះបើលោកអ្នកសម្រេចចិត្តអ្វីមួយក៏តែងជួបរឿងរាវប្រទាំងប្រទើសនិងបញ្ហាមិនល្អចូលមកលុកលុយយាយីច្រើនផង។ក្រៅពីនេះបើមានការប្រកបការងារអ្វីក៏តែងមិនសម្រេចដល់គោលដៅប៉ុន្មាននោះឡើយ។ បើជាអ្នកប្រកបរបររកស៊ីជួញដូរក្នុងថ្ងៃនេះដែរពុំសូវកាក់កបទេគឺ លាភហេងច្រើនបោលហួសឬហោះរំលងចាប់ពុំសូវជាប់ឡើយ។ រីឯបញ្ហាស្នេហាកំលោះក្រមុំមានការរីកលូតលាស់ទៅមុខយឺតហើយក៏ងាយថយក្រោយវិញណាស់៕
ឆ្នាំច ធាតុដី ពង្សយក្សស្រី រាសីស្រុតចុះ។ នៅថ្ងៃនេះមិនផ្តល់ផលល្អសម្រាប់លោកអ្នកប្រកបការងារប៉ុន្មានទេ ចំពោះអ្នកប្រកបរបររកស៊ីជួញដូរថ្ងៃនេះដែរមិនថាជួញទីជិតឆ្ងាយតែងអាចហុចផ្លែផ្កាមកវិញគ្រាន់ជាទីកក់ក្តៅតែយ៉ាងណាចូរប្រយ័ត្នក្រុមមនុស្សបាបមិត្តបង្កជម្លោះណាមួយកើតឡើង។ រីឯបញ្ហាសេចក្តីស្នេហាកំលោះក្រមុំមានការជឿនលឿនតិចតួចតែការថយក្រោយនោះមានច្រើនជាង៕
ឆ្នាំកុរ ធាតុទឹក ពង្សមនុស្សស្រី រាសីល្អជាមធ្យម។ ថ្ងៃនេះជោគល្អនិងជោគអាក្រក់នៅលាយឡំគ្នាម្ល៉ោះហើយចូរប្រយ័ត្នធ្វើអ្វីមួយបានជាផ្លែផ្កាហើយបែរជាអសារបង់ទៅវិញ។ អ្នកប្រកបការងាររាជការឬក្រុមហ៊ុនឯកជនក្តីកុំសូវចាប់កំហុសអ្នកដទៃពេកប្រយ័ត្នត្រូវគេវាយបកវិញនាំក្តីលំបាកដល់អាត្មាខ្លួន។ សម្ព័នស្នេហាប្រុសស្រីមានដំណើរថយក្រោយនិងជម្លោះវិវាទឥតសូវស្រួលចិត្តឡើយ៕
No comments:
Post a Comment