រាសី ប្រចំាថ្ងៃសៅរ៍ ទី០៣ ខែឧសភា ឆ្នាំ២០១៤
ឆ្នាំជូត រាសីស្រុតចុះ។ សុខភាពមានជំងឺជ្រៀតជ្រែកធ្វើឲ្យការបំពេញការងារផ្សេងៗមិនបានលទ្ធផលល្អនិងជាហេតុធ្វើឲ្យទឹកចិត្តពោរពេញដោយភាពសៅហ្មង។ហេតុនេះលោកអ្នកត្រូវស្វែងរកសៀវភៅធម៌សម្រាប់អានពីព្រោះការមានព្រះធម៌នៅក្នុងខ្លួនធ្វើឲ្យអ្នកមានមូលដ្ឋានគ្រឹះក្នុងការពិចារណាផ្សេងៗបានជាពិសេសគឺការស្វែងរកដើមហេតុចម្បងនៃបញ្ហាផ្សេងៗ។
ឆ្នាំឆ្លូវ រាសីឡើងខ្ពស់ត្រដែត។ រាល់ការបំពេញការងារផ្សេងៗរមែងទទួលនូវផលតបស្នងគួរជាទីពេញចិត្ត។ ការធ្វើដំណើរទៅកាន់ទីជិតឆ្ងាយប្រកបដោយសុវត្ថិភាព។ ការនិយាយស្តីប្រកបដោយឧត្តមគតិ។ ផ្លូវចិត្តប្រកបដោយមេត្តាករុណាគ្រប់ស្ថានការណ៍។ ការទទួលដំណឹងនានាសុទ្ធសឹងជាដំណឹងល្អ។ចំណែកឯបញ្ហាស្នេហាគូស្នេហ៍យល់ចិត្តគ្នាជាធម្មតា។
ឆ្នាំខាល រាសីមធ្យម។ លោកអ្នកខំបំពេញការងារយ៉ាងប្រុងប្រយ័ត្ននិងប្រឹងប្រែងអស់ពីសមត្ថភាព ប៉ុន្តែទទួលផលតិចតួច។ ការនិយាយស្តីអាចមានភាពលើសលស់ខ្វះខាតខ្លះៗ។ លោកអ្នកអាចឮដំណឹងល្អលាយឡំនឹងរឿងមិនល្អខ្លះៗ។ដោយឡែកបញ្ហាស្នេហាគូស្នេហ៍មានការយល់ចិត្តគ្នាជាធម្មតា។ ការប្រកបរបររកទទួលទានល្មមទូទាត់នឹងការចំណាយ។
ឆ្នាំថោះ រាសីល្អបង្គួរ។ ការពោលពាក្យសម្តីពីរោះពិសាទៅកាន់អ្នកផងនិងប្រកបដោយសេចក្តីមេត្តា ករុណាចំពោះគ្នា និងគ្នា។ការបំពេញការងារផ្សេងៗនឹងទទួលបាននូវជ័យជម្នះដែលឆ្លើយតបទៅនឹងការខិតខំប្រឹងប្រែងរបស់លោកអ្នក។លោកអ្នកអាចប្រឈមនឹងបញ្ហាខ្លះៗក្នុងផ្លូវស្នេហាការធ្វើដំណើរ ជាពិសេសគួរយកចិត្តទុកដាក់ជាចម្បងទៅលើសុខភាព។
ឆ្នាំរោង រាសីឡើងខ្ពស់ត្រដែត។ ការពោលពាក្យសម្តីទៅកាន់អ្នកផងប្រកបដោយវិចារណញ្ញាណ។ការប្រកបរបររកទទួលទានបានផលល្អប្រសើរ។ ការធ្វើដំណើរមានសុវត្ថិភាពគួរជាទីទុកចិត្ត។ សុខភាពផ្លូវកាយ និងផ្លូវចិត្តល្អប្រពៃគ្របដណ្តប់ទៅលើទង្វើល្អសុចរិតត្រឹមត្រូវ។ គូស្នេហ៍បង្កើតឲ្យមានចំណងមេត្រីភាពកាន់តែស្អិតល្មួតលើសគ្រាកន្លង។
ឆ្នាំម្សាញ់ រាសីមធ្យម។ ទឹកចិត្តតែងប្រែប្រួលទៅតាមស្ថានភាពនិងបរិយាកាសផ្តល់ឲ្យហេតុនេះត្រូវប្រឹងប្រែងទប់ចិត្តកុំបណ្តែតបណ្តោយទៅតាមការអូសទាញរបស់អ្នកដទៃ។ ជាមួយគ្នានេះដែរក៏ត្រូវយកចិត្តទុកដាក់ផងដែរទៅលើការនិយាយស្តី និងសុខភាពផងដែរ។ ចំពោះមុខរបររកទទួលទានវិញបានផលបង្គួរ។ រីឯបញ្ហាស្នេហាក៏មិនមានអ្វីប្រែប្រួលនោះដែរ។
ឆ្នាំមមី រាសីឡើងខ្ពស់ត្រដែត។ សុខភាពផ្លូវកាយនិងផ្លូវចិត្តគ្មានផលប៉ះពាល់អ្វីឡើយ។ដោយអំណាចនៃសុខភាពផ្លូវកាយ និងផ្លូវចិត្តល្អនាំឲ្យការនិយាយស្តីមានប្រសិទ្ធភាព។ គូស្នេហ៍មានការយល់ចិត្តគ្នាជាធម្មតា។រីឯការប្រកបរបររកទទួលទានបានផលចំណេញតបស្នងនឹងការខិតខំប្រឹងប្រែងរបស់អ្នកនិងទទួលបានដំណឹងពោរពេញដោយក្ដីសោមនស្សរីករាយ។
ឆ្នាំមមែ រាសីស្រុតចុះ។ការនិយាយស្តីមានការរអាក់រអួលដោយសារទឹកចិត្តហាក់សៅហ្មងព្រមជាមួយនឹងសុខភាពផ្លូវកាយមានផលប៉ះពាល់បណ្តាលមកពីបរិយាកាសជុំវិញមិនអំណោយផល។ បញ្ហាស្នេហាគូស្នេហ៍មានអធ្យាស្រ័យចំពោះគ្នាតិចតួចណាស់។ ការប្រកបរបររកទទួលទានត្រូវខិតខំបំពេញឲ្យអស់ពីកម្លាំងកាយចិត្តទើបបានផលខ្លះៗជាការតបស្នង។
ឆ្នាំវក រាសីមធ្យម។ ការប្រកបរបររកទទួលទានបានផលល្អបង្គួរ។ ការនិយាយស្តីមានអ្នកខ្លះយកចិត្តទុកដាក់ស្តាប់ឯអ្នកខ្លះទៀតព្រងើយកន្តើយចំពោះអ្នកហេតុនេះត្រូវប្រយ័ត្នក្នុងការនិយាយស្តីបន្តិច។ សុខភាពផ្លូវកាយមានអំណាចខ្លាំងក្លាតែសុខភាពផ្លូវចិត្តមានផលប៉ះពាល់ខ្លះៗ។ រីឯបញ្ហាស្នេហាគូស្នេហ៍មានការយល់ចិត្តគ្នាជាធម្មតាមិនមានបញ្ហាអ្វីគួរឲ្យបារម្ភឡើយ។
ឆ្នាំរកា រាសីឡើងខ្ពស់ត្រដែត។ ទឹកចិត្តសោមនស្សរីករាយនិងពោលតែពាក្យសម្តីពីរោះពិសាទៅកាន់អ្នកផងធ្វើឲ្យគេស្រឡាញ់ចូលចិត្ត។ លោកអ្នកក៏គួរយកចិត្តទុកដាក់យ៉ាងខ្លាំងទៅលើបញ្ហាសុខភាពនិងស្នេហាព្រោះវាអាចមានផលវិជ្ជមាននានាកើតឡើង។ រាល់ការបំពេញកិច្ចការងារមានគេជ្រោមជ្រែងនិងទួលបានជោគជ័យគួរជាទីគាប់ចិត្ត។
ឆ្នាំច រាសីមធ្យម។ ការប្រកបរបររកទទួលទានបានផលបង្គួរ។ ការធ្វើដំណើរទៅកាន់ទីជិតឆ្ងាយមានឧបសគ្គខ្លះៗ។ លោកអ្នកគួរស្វែងរកវិធីលើកទឹកចិត្តខ្លួនឯងដើម្បីឲ្យការងាររបស់លោកអ្នកធ្វើដំណើរឆ្ពោះទៅរកគោលដៅ។ សុខភាពផ្លូវកាយអំណោយផល តែផ្លូវចិត្តមានទុក្ខព្រួយមករំខាន។ គូស្នេហ៍ចេះអនុគ្រោះ និងយល់អធ្យាស្រ័យគ្នាបានល្អ។
ឆ្នាំកុរ រាសីស្រុតចុះ។ ការធ្វើដំណើរទៅកាន់ទីជិតឆ្ងាយមិនសូវមានគេទទួលរាក់ទាក់ប៉ុន្តែត្រូវប្រយ័ត្នគេហុតទឹកសម្លឹងកាក។ ទឹកចិត្តមានក្តីសោមនស្សរីករាយជាខ្លាំងតែស្ថិតនៅក្នុងប្រភេទជាអកុសល។ រីឯសុខភាពផ្លូវកាយអំណោយផលជាធម្មតា។ មុខរបរអាចនឹងមានការខាតបង់ដោយកត្តាផ្សេងៗ។បញ្ហាស្នេហាគូស្នេហ៍ខ្វះការយកចិត្តទុកដាក់ចំពោះគ្នា។
No comments:
Post a Comment