រាសី ប្រចំាថ្ងៃសុក្រ ទី០២ ខែឧសភា ឆ្នាំ២០១៤
ឆ្នាំជូត រាសីស្រុតចុះ។ ការប្រកបរបររកទទួលទានត្រូវប្រើប្រាស់កម្លាំងកាយយ៉ាង ច្រើន។ ឯទឹកចិត្តក៏មានសភាពទ្រុឌទ្រោមធ្វើឲ្យលទ្ធផលបានពីការងារ ហាក់ដូចជាមិនស័ក្តិសមទៅនឹងការខិតខំប្រឹងប្រែង។ ការនិយាយស្តីខ្វះការពិចារណានាំឲ្យមានផលវិបាកទៅថ្ងៃក្រោយ។ គូស្នេហ៍យោគយល់គ្នាយ៉ាងល្អប្រសើរ ពោលគឺចេះអធ្យាស្រ័យចំពោះគ្នាទៅវិញទៅមក។
ឆ្នាំឆ្លូវ រាសីឡើងខ្ពស់ត្រដែត។ លោក អ្នកមានសមត្ថភាពអាចសម្រេចកិច្ចការធំបាន មានសមត្ថភាពខាងបង្កើតគំនិតច្នៃប្រឌិតថ្មីៗជានិច្ចជាពិសេសគឺ មានភាពម្ចាស់ការលើខ្លួនឯង។ ការធ្វើដំណើរទៅកាន់ទីជិតឆ្ងាយតែងមានការទទួលរាក់ទាក់។ មុខរបររកទទួលទានមានដំណើរការយ៉ាងរលូន។ បញ្ហាស្នេហាគូស្នេហ៍មានអធ្យាស្រ័យចំពោះគ្នាទៅវិញទៅមក។
ឆ្នាំខាល រាសីឡើងខ្ពស់ត្រដែត។ រាល់ការប្រកបរបររកទទួលទានផ្សេងៗបានផលកាក់កបជាធម្មតា។ ការធ្វើដំណើរទៅកាន់ទីជិតឆ្ងាយទទួលបាននូវសុវត្ថិភាព។ ទឹកចិត្តសប្បាយរីករាយមិនមានជំងឺមកបៀតបៀនរូបកាយ និងមានសមត្ថភាពដោះស្រាយបញ្ហាផ្សេងៗ។ សេចក្តីស្នេហាគឺមានការយល់ចិត្តថ្លើមគ្នាបានល្អ។ ការធ្វើដំណើរមានជោគជ័យជាប់ជានិច្ច។
ឆ្នាំថោះ រាសីស្រុតចុះ។ ការបំពេញកិច្ចការផ្សេងៗ ទទួលបានផលមិនជាល្អប៉ុន្មានឡើយ។ ការនិយាយស្តីមិនចុះសម្រុងគ្នានឹងអ្នកស្តាប់ប៉ុន្មានទេ។ ការប្រកបរបររកទទួលទានបានផលបង្គួរ។ ទឹកចិត្តជាឧបេក្ខា។ សុខភាពមិនសូវល្អ។ ការទទួលដំណឹងច្រើនតែមិនពិត។ ការធ្វើដំណើរគួរប្រយ័ត្នប្រយែងបន្តិច។ ស្នេហាចុះសម្រុងនឹងគ្នាបានល្អ មិនមានអ្វីគួរឲ្យបារម្ភទេ។
ឆ្នាំរោង រាសីមធ្យម។ ទឹកចិត្តសប្បាយរីករាយ។ កម្លាំងកាយបរិបូរណ៍។ ការនិយាយស្តីច្រើនឡេះឡោះ មិនអាចយកជាការបានឡើយ។ ឯការប្រកបរបររកទទួលទានវិញបានផលតិចតួច ល្មមទូទាត់នឹងចំណាយ។ ការធ្វើដំណើរទៅកាន់ទីជិតឆ្ងាយមានសុវត្ថិភាពធម្មតា។ គូស្នេហ៍អាចមានការរង្កៀសចិត្ត ឬទាស់សម្ដីគ្នាតិចតួច ប៉ុន្តែមិនមានបញ្ហាអ្វីធំដុំគួរឲ្យបារម្ភឡើយ។
ឆ្នាំម្សាញ់ រាសីខ្ពស់ត្រដែត។ លោកអ្នកនឹងទទួលបាននូវមុខងារថ្មីសម្រាប់បំពេញ។ ការនិយាយស្ដីមានគេគោរពជឿជាក់។ មុខរបររកទទួលទានបានផលចំណេញលើសពីការស្មាន។ ការធ្វើដំណើរទៅកាន់ទីជិតឆ្ងាយមានសុវត្ថិភាព។ លោកអ្នកអាចទទួលដំណឹងល្អនានា។ គូស្នេហ៍ត្រូវអត់ធ្មត់ចំពោះដៃគូឲ្យបានច្រើនប្រយ័ត្នមានការ បែកបាក់ដោយសាររឿងតូចតាច។
ឆ្នាំមមី រាសីមធ្យម។ សុខភាពផ្លូវកាយមិនស្វាហាប់ តែផ្លូវចិត្តស្រស់ស្រាយរីករាយធម្មតា។ ហេតុនេះលោកអ្នកគួរយកចិត្តទុកដាក់បញ្ហាខាងលើឲ្យបានល្អជាមុន សិន ទើបអាចបំពេញកិច្ចការផ្សេងៗដោយការយកចិត្តទុកដាក់។ ការធ្វើដំណើរទៅកាន់ទីជិតឆ្ងាយមានសុវត្ថិភាពធម្មតា។ គូស្នេហ៍គួរបង្កើតអនុស្សាវរីយ៍ថ្មីជាមួយគ្នាបន្ថែមទៀតដើម្បីរឹត ចំណងស្នេហ៍។
ឆ្នាំមមែ រាសីស្រុតចុះ។ ការប្រកបរបររកទទួលទានមានការខាតបង់ព្រោះតែការធ្វេសប្រហែស។ សុខភាពផ្លូវកាយរងការរំខានតិចតួច។ ទឹកចិត្តហាក់ពុំសប្បាយរីករាយ។ ការធ្វើដំណើរទៅកាន់ទីជិតឆ្ងាយអាចមានឧបសគ្គខ្លះៗ ប៉ុន្តែក៏មានអ្នកចាំជួយយកអាសាដែរ។ គូស្នេហ៍អាចមានទំនាស់ដោយសារតែការយល់ច្រឡំ។ ការនិយាយស្ដីអាចនាំទោសទុក្ខដល់ខ្លួន។
ឆ្នាំវក រាសីឡើងខ្ពស់ត្រដែត។ ការប្រកបរបររកទទួលទានបានចំណេញគាប់ចិត្ត។ ការនិយាយស្តីមានហេតុផលត្រឹមត្រូវ។ លោកអ្នកមានចិត្តសោមនស្សរីករាយចំពោះអំពើជាកុសល និងមានសមត្ថភាពគ្រប់គ្រាន់ក្នុងការគិតរិះរកដំណោះស្រាយប្រកបដោយផ្លែផ្កា។ ជាមួយគ្នានេះដែរ បញ្ហាស្នេហាដៃគូមានការចុះសម្រុងគ្នាល្អណាស់ធ្វើឲ្យចំណងស្នេហ៍ស្អិតល្មួត។
ឆ្នាំរកា រាសីឡើងខ្ពស់ត្រដែត។ លោកអ្នកមានសមត្ថភាពអាចសម្រេចកិច្ចការធំបាន និងពូកែបង្កើតគំនិតច្នៃប្រឌិតថ្មីៗ និងមានភាពម្ចាស់ការលើខ្លួនឯង។ ការធ្វើដំណើរទៅកាន់ទីជិតឆ្ងាយតែងមានការទទួលរាក់ទាក់។ មុខរបររកទទួលទានមានដំណើរការបានប្រសើរគាប់ចិត្ត។បញ្ហាស្នេហាគូស្នេហ៍មានទំនាក់ទំនងចុះសម្រុងគ្នា និងអធ្យាស្រ័យល្អចំពោះគ្នា។
ឆ្នាំច រាសីស្រុតចុះ។ សុខភាពផ្លូវកាយ និងផ្លូវចិត្តមិនអំណោយផល ធ្វើឲ្យការបំពេញការងារផ្សេងៗហាក់ពុំសូវស្វាហាប់។ ការប្រកបរបររកទទួលទានមិនទាន់ហុចផ្លែផ្កាដូចការរំពឹងទុក។ ការធ្វើដំណើរទៅកាន់ទីជិតឆ្ងាយអាចមានឧបសគ្គរាំងស្ទាក់។ ការនិយាយស្តីពុំសូវមានឥទ្ធិពលលើអ្នកស្តាប់ទេ។ គូស្នេហ៍មានការយកចិត្តទុកដាក់ចំពោះគ្នាជាធម្មតា។
ឆ្នាំកុរ រាសីល្អបង្គួរ។ ការប្រកបរបររកទទួលទានបានផលចំណេញយ៉ាងស្តួចស្តើងបានត្រឹមតែរួចដើមប៉ុន្ដែលោកអ្នកហាក់សប្បាយចិត្តនឹងទង្វើរបស់ខ្លួន។ ការនិយាយស្តីត្រូវឆ្លងកាត់ការពិចារណាយ៉ាងល្អិតល្អន់។ ការធ្វើដំណើរទៅកាន់ទីជិតឆ្ងាយមានគេចាំទទួលរាក់ទាក់។ សុខភាពផ្លូវកាយត្រូវបៀតបៀនដោយជំងឺ។ បញ្ហាស្នេហាមិនមានអ្វីប្រែប្រួលឡើយ។
No comments:
Post a Comment