រាសី ប្រចំាថ្ងៃសុក្រ ទី១៦ ខែឧសភា ឆ្នាំ២០១៤
ឆ្នាំជូត រាសីឡើងខ្ពស់ត្រដែត។ ការប្រកបរបររកទទួលទានបានផលកាក់កបសមនឹងការខំប្រឹងប្រែង។ ការធ្វើដំណើរទៅកាន់ទីជិតឆ្ងាយទទួលបាននូវសុវត្ថិភាព និងមានជោគជ័យជាប់ជានិច្ច។។ ទឹកចិត្តសប្បាយរីករាយមិនមានជំងឺមកបៀតបៀនរូបកាយ។ លោកអ្នកមានសមត្ថភាពដោះស្រាយបញ្ហាផ្សេងៗ។ សេចក្តីស្នេហាមានការយល់ចិត្តថ្លើមគ្នាបានល្អ។
ឆ្នាំឆ្លូវ រាសីល្អបង្គួរ។ ការប្រកបរបររកទទួលទានចំណេញល្មមទូទាត់រួចដើម តែលោកអ្នកហាក់រីករាយនឹងទង្វើរបស់ខ្លួន។ ការនិយាយស្តីមានការពិចារណាល្អិតល្អន់ ធ្វើឲ្យអ្នកផងគោរពជឿជាក់។ ការធ្វើដំណើរទៅកាន់ទីជិតឆ្ងាយទទួលបានការស្វាគមន៍ប៉ុន្តែប្រយ័ត្នគេចាំទាញប្រយោជន៍ពីអ្នក។ សុខភាពល្អធម្មតា។ បញ្ហាស្នេហាមិនមានអ្វីប្រែប្រួលឡើយ។
ឆ្នាំខាល រាសីស្រុតចុះ។ ការបំពេញកិច្ចការទទួលបានផលមិនជាល្អប៉ុន្មានឡើយដោយសារតែការខ្ជីខ្ជាដែលមានដើមចមមកពីសុខភាពផ្លូវកាយមិនអំណោយផល។ ការនិយាយស្តីមិនចុះសម្រុងគ្នានឹងអ្នកស្តាប់ប៉ុន្មានទេ។ ការទទួលដំណឹងច្រើនតែមិនពិត។ ការធ្វើដំណើរគួរប្រយ័ត្នប្រយែងបន្តិច។ ស្នេហាចុះសម្រុងនឹងគ្នាបានល្អមិនមានរឿងរ៉ាវអាក្រក់អ្វីគួរឲ្យបារម្ភទេ។
ឆ្នាំថោះ រាសីឡើងខ្ពស់ត្រដែត។ លោកអ្នកមានសមត្ថភាពអាចសម្រេចកិច្ចការធំបាន និងបង្កើតគំនិតច្នៃប្រឌិតគួរឲ្យសរសើរស្ញប់ស្ញែង។ ការធ្វើដំណើរទៅកាន់ទីជិតឆ្ងាយមានការទទួលរាក់ទាក់។ មុខរបររកទទួលទានមានដំណើរការយ៉ាងរលូន។ ទោះយ៉ាងណាការនិយាយស្ដីអាចធ្វើឲ្យអ្នកដទៃរិះគន់ថាក្រអឺតក្រទម។ គូស្នេហ៍មានអធ្យាស្រ័យចំពោះគ្នាទៅវិញទៅមក។
ឆ្នាំរោង រាសីមធ្យម។ ទឹកចិត្តសប្បាយរីករាយ។ កម្លាំងកាយបរិបូរណ៍។ ការនិយាយស្តីច្រើនឡេះឡោះមិនអាចយកជាការបានឡើយ។ ឯការប្រកបរបររកទទួលទានវិញបានផលត្រឹមមធ្យម។ ការធ្វើដំណើរទៅកាន់ទីជិតឆ្ងាយមានសុវត្ថិភាពធម្មតា។ គូស្នេហ៍អាចមានការរង្កៀសចិត្ត ឬទាស់សម្ដីគ្នាតិចតួច ដូច្នេះលោកអ្នកត្រូវចេះទប់អារម្មណ៍កុំឲ្យរឿងតូចក្លាយជារឿងធំ។
ឆ្នាំម្សាញ់ រាសីខ្ពស់ត្រដែត។ លោកអ្នកនឹងទទួលបាននូវមុខងារថ្មី ឬកិច្ចការធំដុំជាទីមោទនៈ។ ការនិយាយស្ដីមានគេគោរពជឿជាក់។ មុខរបររកទទួលទានបានចំណេញលើសពីការស្មាន។ ការធ្វើដំណើរទៅកាន់ទីជិតឆ្ងាយមានសុវត្ថិភាព។ លោកអ្នកអាចទទួលដំណឹងល្អនានា។ គូស្នេហ៍ត្រូវអត់ធ្មត់ចំពោះដៃគូឲ្យបានច្រើនប្រយ័ត្នមានការបែកបាក់ដោយសារអ្នកដទៃញុះញង់។
ឆ្នាំមមី រាសីបង្គួរ។ ការប្រកបរបររកទទួលទានបានលាភសក្ការៈច្រើនលើសពីការរំពឹងទុក។ ការនិយាយស្ដីពោលតែពាក្យពិតដែលធ្វើឲ្យមនុស្សមួយចំនួនមិនគាប់ត្រចៀក។ គូស្នេហ៍យោគយល់អធ្យាស្រ័យចំពោះគ្នាទៅវិញទៅមកធ្វើឲ្យចំណងមេត្រីភាពមានសុភមង្គល។ ការធ្វើដំណើរមានសុវត្ថិភាពគ្រប់ទិសទី។ ដំណឹងដែលទទួលបានមានល្អខ្លះមិនល្អខ្លះ។
ឆ្នាំមមែ រាសីស្រុតចុះ។ ការប្រកបរបររកទទួលទានមានការខាតបង់ព្រោះតែការធ្វេសប្រហែសមួយគ្រា។ សុខភាពផ្លូវកាយរងការរំខានតិចតួច។ ការនិយាយស្ដីអាចនាំទោសទុក្ខដល់ខ្លួន។ ទឹកចិត្តស្រពាប់ស្រពោន។ ការធ្វើដំណើរជិតឆ្ងាយអាចមានឧបសគ្គប៉ុន្តែក៏មានអ្នកចាំជួយយកអាសាដែរ។ គូស្នេហ៍អាចមានទំនាស់ព្រោះយល់ច្រឡំគ្នាដោយប្រការណាមួួយ។
ឆ្នាំវក រាសីស្រុតចុះបន្តិច។ សុខភាពផ្លូវកាយ និងផ្លូវចិត្តមិនអំណោយផលធ្វើឲ្យការបំពេញការងារហាក់ពុំសូវស្វាហាប់។ ការប្រកបរបររកទទួលទានមិនទាន់ហុចផ្លែផ្កាដូចការរំពឹងទុកដូច្នេះលោកអ្នកត្រូវអត់ធ្មត់បន្តិច។ ការធ្វើដំណើរទៅកាន់ទីជិតឆ្ងាយគួរប្រយ័ត្នប្រយែង។ ការនិយាយស្តីមិនសូវលះ។ គូស្នេហ៍មានការសោះអង្គើយដាក់គ្នាព្រោះតែមមាញឹកនឹងការងារ។
ឆ្នាំរកា រាសីឡើងខ្ពស់ត្រដែត។ ការប្រកបរបររកទទួលទានបានចំណេញគាប់ចិត្ត។ ការនិយាយស្តីមានហេតុផលត្រឹមត្រូវ។ លោកអ្នកមានសមត្ថភាពគ្រប់គ្រាន់ក្នុងការគិតរិះរកដំណោះស្រាយប្រកបដោយផ្លែផ្កា។ បញ្ហាស្នេហាដៃគូមានការចុះសម្រុងគ្នាល្អណាស់ធ្វើឲ្យចំណងស្នេហ៍ស្អិតល្មួតលើសគ្រាកន្លង។ ថ្ងៃនេះលោកអ្នកអាចទទួលដំណឹងល្អដូចការរំពឹងទុក។
ឆ្នាំច រាសីឡើងខ្ពស់ត្រដែត។ លោកអ្នកមានសមត្ថភាពអាចសម្រេចនូវរាល់កិច្ចការធំបាន និងពូកែបង្កើតគំនិតច្នៃប្រឌិតថ្មីៗដោយខ្លួនឯង។ ការធ្វើដំណើរទៅកាន់ទីជិតឆ្ងាយតែងមានការទទួលរាក់ទាក់។ មុខរបររកទទួលទានមានដំណើរការល្អដូចការរំពឹងទុក។ គូស្នេហ៍មានការចុះសម្រុងគ្នា និងអធ្យាស្រ័យល្អចំពោះគ្នា។ សុខភាពផ្លូវកាយ និងចិត្តក៏ល្អព្រមគ្នា។
ឆ្នាំកុរ រាសីបង្គួរ។ សុខភាពផ្លូវកាយមិនស្វាហាប់តែផ្លូវចិត្តស្រស់ស្រាយរីករាយធម្មតា។ ការនិយាយស្ដីមានអ្នកខ្លះសរសើរ និងខ្លះទៀតរិះគន់។ ការធ្វើដំណើរទៅកាន់ទីជិតឆ្ងាយមានសុវត្ថិភាព។ គូស្នេហ៍គួរតែបង្កើតអនុស្សាវរីយ៍ថ្មីដើម្បីរឹតចំណងស្នេហ៍ឲ្យកាន់តែរឹងមាំ។ ចំពោះអាជីពការងារ ឬការប្រកបរបររកទទួលទាននឹងទទួលបានលាភសក្ការៈកម្រិតមធ្យម។
No comments:
Post a Comment