រាសី ប្រចំាថ្ងៃព្រហស្បតិ៍ ទី១៥ ខែឧសភា ឆ្នាំ២០១៤
ឆ្នាំជូត រាសីល្អបង្គួរ។ លោកអ្នកមានសមត្ថភាពប្រើកម្លាំងកាយជាងកម្លាំងប្រាជ្ញា។ នេះបណ្តាលមកពីសុខភាពផ្លូវកាយល្អតែចិត្តមានការហ្មងសៅ។ រីឯការនិយាយស្តីមិនសូវមានប្រសិទ្ធភាពធ្វើឲ្យគេជឿជាក់។ ការធ្វើដំណើរមានសេចក្ដីសុខជាធម្មតា។ ការប្រកបរបររកទទួលទានបានផលចំណេញគ្រាន់បើ។ ស្នេហាគូស្នេហ៍របស់អ្នកយល់ចិត្តអ្នកបានស៊ីជម្រៅ។
ឆ្នាំឆ្លូវ រាសីឡើងខ្ពស់។ រាល់ការបំពេញការងារផ្សេងៗនឹងទទួលបាននូវជ័យជម្នះដែលឆ្លើយតបទៅនឹងការខិតខំប្រឹងប្រែងរបស់លោកអ្នក។ ការពោលពាក្យសម្តីពីរោះពិសាទៅកាន់អ្នកផង និងមានសេចក្តីមេត្តាករុណា។ លោកអ្នកគួរតែយកចិត្តទុកដាក់បន្តិចចំពោះបញ្ហាស្នេហាការធ្វើដំណើរ និងសុខភាពផងទើបទទួលបានសុភមង្គលពេញលេញក្នុងថ្ងៃនេះ។
ឆ្នាំខាល រាសីស្រុតចុះ។ ថ្ងៃនេះលោកអ្នកអាចនឹងត្រូវបាត់បង់នូវរបស់ជាទីស្រឡាញ់។ ការនិយាយស្តីច្រើនប្រើពាក្យរោយរាយឥតប្រយោជន៍ខ្វះវិចារណញ្ញាណធ្វើឲ្យគំនិតត្រូវតុញជាពិសេសបណ្តាលឲ្យឱកាសល្អត្រូវកន្លងផុតដោយគួរឲ្យសោកស្តាយ។ ការប្រកបរបរអាចបានត្រឹមតែរួចដើម។ បញ្ហាស្នេហាមានដំណើរការល្អធម្មតាមិនមានរឿងអាក្រក់កើតឡើងទេ។
ឆ្នាំថោះ រាសីឡើងខ្ពស់។ រាល់ការបំពេញការងារតែងទទួលបានជោគជ័យគួរជាទីគាប់ចិត្ត។ ការធ្វើដំណើរទៅកាន់ទីជិតឆ្ងាយតែងមានគេទទួលរាក់ទាក់។ ទឹកចិត្តប្រកបដោយក្តីសោមនស្សរីករាយ និងពោលតែពាក្យសម្តីពីរោះពិសាទៅកាន់អ្នកផងធ្វើឲ្យគេស្រឡាញ់ចូលចិត្ត។ ស្របជាមួយគ្នានេះដែរក៏គួរយកចិត្តទុកដាក់យ៉ាងខ្លាំងទៅលើបញ្ហាសុខភាព និងស្នេហាបន្តិច។
ឆ្នាំរោង រាសីឡើងខ្ពស់។ ការពោលពាក្យសម្តីទៅកាន់អ្នកផងតែងមានគេយកចិត្តទុកដាក់ស្តាប់។ ចំពោះបញ្ហាសុខភាពគឺមិនមានជំងឺមកបៀតបៀនដល់រូបកាយរបស់អ្នកឡើយ។ រីឯការធ្វើដំណើរទៅកាន់ទីជិតឆ្ងាយនឹងមានគេចាំទទួលស្វាគមន៍ដោយសេចក្តីរាក់ទាក់ជាក់ជាពុំខានឡើយ។ បញ្ហាស្នេហាគូស្នេហ៍ផ្ដល់ភាពកក់ក្ដៅ និងការយកចិត្តទុកដាក់ចំពោះគ្នា។
ឆ្នាំម្សាញ់ រាសីឡើងខ្ពស់។ លោកអ្នកមានសមត្ថភាពអាចបំពេញការងារផ្សេងៗបានយ៉ាងល្អធ្វើឲ្យចៅហ្វាយនាយ និងមិត្តភក្តិរួមការងារពេញចិត្តជាខ្លាំង។ ការប្រកបរបររកទទួលទានវិញនឹងបាននូវផលចំណេញគួរជាទីពេញចិត្ត។ រីឯការនិយាយស្តីធ្វើឲ្យអ្នកផងយកចិត្តទុកដាក់ស្តាប់ជាខ្លាំង។ ដោយឡែកបញ្ហាស្នេហាវិញមិនសូវជាល្អប៉ុន្មាននោះទេក្នុងអំឡុងពេលនេះ។
ឆ្នាំមមី រាសីស្រុតបន្តិច។ ថ្ងៃនេះលោកអ្នកពុំគួរធ្វើការសម្រចចិត្តតែម្នាក់ឯងនោះទេ ចៀសវាងមានវិប្បដិសារីទៅថ្ងៃខាងមុខ។ ការធ្វើដំណើរត្រូវមានការប្រុងប្រយ័ត្នឲ្យបានខ្ពស់បំផុត។ ការនិយាយស្តីធ្វើឲ្យអ្នកដទៃធុញទ្រាន់។ ការប្រកបរបររកទទួលទានមិនទាន់ហុចផ្លែផ្កាដូចការរំពឹងទុក។ សុខភាពរាងកាយល្អប្រក្រតី។ សេចក្ដីស្នេហាដំណើរការល្អ និងប្រកបដោយសុភមង្គល។
ឆ្នាំមមែ រាសីល្អបង្គួរ។ រាល់ការបំពេញកិច្ចការងារគប្បីយកចិត្តទុកដាក់ឲ្យមែនទែនពុំនោះទេ នឹងខាតប្រយោជន៍ជាក់ជាពុំខានឡើយ។ ការនិយាយស្តីពោលតែពាក្យពិតទៀងត្រង់ធ្វើឲ្យអ្នកផងជឿទុកចិត្ត។ សុខភាពផ្លូវកាយល្អស្របនឹងផ្លូវចិត្តក៏ជ្រះថ្លា។ ការប្រកបរបររកទទួលទានចំណេញតិចតួច។ ការធ្វើដំណើរមានសុវត្ថិភាពធម្មតា។ គូស្នេហ៍មានការយល់ចិត្តគ្នាយ៉ាងប្រពៃ។
ឆ្នាំវក រាសីស្រុតចុះខ្លាំង។ ការធ្វើដំណើរទៅកាន់ទីនានាត្រូវប្រយ័ត្នជាទីបំផុត ពុំនោះទេលោកអ្នកច្បាស់ជាត្រូវទទួលរងនូវមហន្តរាយជាក់ជាពុំខានឡើយ។ ការនិយាយស្តីខ្វះការពិចារណាធ្វើឲ្យគេមើលស្រាល។ ការបំពេញការងារមានការធ្វេសប្រហែសខ្លាំង។ បញ្ហាស្នេហានឹងមានការថ្នាំងថ្នាក់ ព្រោះតែពាក្យសម្តីជាក់ជាពុំខាន។ ទឹកចិត្តប្រកបដោយសេចក្តីទោមនស្សច្រើន។
ឆ្នាំរកា រាសីស្រុតចុះ។ សុខភាពមានជំងឺដោយសារបរិយាកាស រីឯផ្លូវចិត្តក៏មានរឿងស្មុគស្មាញខ្លះដែរ។ ឆន្ទៈក្នុងការបំពេញកិច្ចការត្រូវធ្លាក់ចុះ។ រាល់ការសម្រេចចិត្តត្រូវគិតគូរឲ្យបានហ្មត់ចត់កុំឲ្យចិត្តអន្ទះសាធ្វើឲ្យខូចកិច្ចការធំ។ ការធ្វើដំណើរមានសុវត្ថិភាពធម្មតា។ លោកអ្នកអាចទទួលដំណឹងមិនរីករាយខ្លះៗ។ រីឯរឿងស្នេហាមិនមានអ្វីគួរឲ្យព្រួយបារម្ភឡើយ។
ឆ្នាំច រាសីឡើងខ្ពស់។ រាល់ការបំពេញការងាររមែងទទួលនូវផលតបស្នងគាប់ចិត្ត។ ការធ្វើដំណើរទៅទីជិតឆ្ងាយមានសុវត្ថិភាព។ ការនិយាយស្តីប្រកបដោយឧត្តមគតិ។ សុខភាពផ្លូវចិត្តមានសភាពល្អ ពោលគឺ ចិត្តប្រកបដោយមេត្តា ករុណាចំពោះមនុស្សសត្វ។ ការទទួលដំណឹងនានាសុទ្ធសឹងជាដំណឹងល្អ។ ចំណែកឯបញ្ហាស្នេហាគូស្នេហ៍យល់ចិត្តគ្នាជាធម្មតា។
ឆ្នាំកុរ រាសីឡើងខ្ពស់។ សុខភាពផ្លូវកាយនិងផ្លូវចិត្តល្អប្រសើរដែលគ្របដណ្តប់ទៅលើទង្វើល្អសុចរិតត្រឹមត្រូវរបស់លោកអ្នក។ ការពោលពាក្យសម្តីទៅកាន់អ្នកផងតែងប្រកបដោយវិចារណញ្ញាណ។ ការប្រកបរបររកទទួលទានបានផលល្អ។ ការធ្វើដំណើរទៅកាន់ទីនានាមានសុវត្ថិភាពគួរជាទីទុកចិត្ត។ គូស្នេហ៍មានភាពស្អិតល្មួតលើសគ្រាកន្លង។
No comments:
Post a Comment