រាសី ប្រចំាថ្ងៃចន្ទ ទី២៨ ខែមេសា ឆ្នាំ២០១៤
ឆ្នាំជូត រាសីឡើងខ្ពស់ត្រដែត។ សុខភាពរាងកាយរឹងមាំ ធ្វើឲ្យអារម្មណ៍ជ្រះថ្លាពោរពេញដោយប្រាជ្ញាស្មារតីខ្ពស់ក្នុងការបំពេញការងារប្រកបដោយជោគជ័យត្រចះត្រចង់។ លោកអ្នកអាចទទួលបានជំនូន ឬអំណោយពីអ្នកណាម្នាក់។ ការធ្វើដំណើរទៅទីជិតឆ្ងាយមានសុវត្ថិភាពគ្រប់ទិសទី។ ចំណងស្នេហ៍រងការញុះញង់ពីអ្នកដទៃ ប៉ុន្តែមិនមានបញ្ហាអ្វីកើតឡើងទេ។
ឆ្នាំឆ្លូវ រាសីឡើងខ្ពស់ត្រដែត។ រាល់ការប្រកបរបររកទទួលទាន ឬបំពេញកិច្ចការផ្សេងៗបានផលក្រាស់ក្រែល ប៉ុន្តែអ្វីដែលលោកអ្នកត្រូវប្រយ័ត្ននោះគឺកុំភ្លេចខ្លួនប្រើភាសាក្រអឺតក្រទមនាំឲ្យអ្នកផងទាំងឡាយពេបជ្រាយ។ ការធ្វើដំណើរទៅកាន់ទីជិតឆ្ងាយគួរប្រយ័ត្នបន្តិច។ ទឹកចិត្តមានក្តីសោមនស្សរីករាយ រីឯសុខភាពក៏ល្អបរិបូរណ៍។ ចំណងស្នេហ៍មានភាពស្អិតល្មួត។
ឆ្នាំខាល រាសីមធ្យម។ លោកអ្នកមានប្រៀបខាងកម្លាំងកាយជាជាងកម្លាំងប្រាជ្ញា។ ទាំងនេះបណ្តាលមកពីសុខភាពផ្លូវកាយល្អតែចិត្តមានការហ្មងសៅ ហើយលោកអ្នកគួរជម្រះចិត្តសៅហ្មងទើបអាចត្រៀមខ្លួនទទួលជោគជ័យ។ រីឯការនិយាយស្តីក៏មិនសូវជាល្អប៉ុន្មានដែរ។ លោកអ្នកអាចទទួលដំណឹងល្អខ្លះៗ។ បញ្ហាស្នេហា គូស្នេហ៍អាចទាស់ទែងគ្នាតិចតួចចៀសពុំរួច។
ឆ្នាំថោះ រាសីឡើងខ្ពស់ត្រដែត។ កិច្ចការសព្វសារពើបានជោគជ័យជាទីមោទនៈ ប៉ុន្តែលោកអ្នកក៏ត្រូវប្រយ័ត្នអ្នកច្រណែនឈ្នានីសចាំមើលបំណាំផងដែរ។ ទឹកចិត្តមានការគិតគូរវែងឆ្ងាយ រីឯសុខភាពផ្លូវកាយសុខសប្បាយធម្មតាដែរ។ ការនិយាយស្តីមានវិចារណញ្ញាណ។ ការធ្វើដំណើរទៅទីជិតឆ្ងាយមានជោគលាភ។ គូស្នេហ៍មានការយកចិត្តទុកដាក់ចំពោះគ្នាខ្លាំង។
ឆ្នាំរោង រាសីស្រុតចុះ។ លោកអ្នកមានសមត្ថភាពបំពេញការងារ ប៉ុន្តែត្រូវរង់ចាំឱកាសល្អដើម្បីបញ្ចេញស្នាដៃ។ ការនិយាយស្តីមានភាពរអាក់រអួលព្រោះកង្វះជំនឿចិត្ត។ គូស្នេហ៍មិនសូវយល់ចិត្តគ្នា ព្រោះតែអារម្មណ៍អន្ទះសាស្មុគស្មាញផ្នែកការងារ។ ការធ្វើដំណើរទៅទីជិតឆ្ងាយដើម្បីបំពេញការងារអាចជួបឧបសគ្គលំបាកលំបិនមុននឹងសម្រេចដល់គោលដៅ។
ឆ្នាំម្សាញ់ រាសីមធ្យម។ កត្តាចម្បងគួរយកចិត្តទុកដាក់ទៅលើសុខភាពទាំងផ្លូវកាយ និងផ្លូវចិត្ត បើពុំនោះទេនឹងបណ្តាលឲ្យហេតុការណ៍មិនល្អកើតឡើងដូចជា ការពោលពាក្យសម្តីមិនពីរោះពិសា មិនមានការជួយជ្រោមជ្រែងពីមនុស្សជុំ-វិញខ្វះសមត្ថភាពបំពេញការងារឲ្យបានល្អ ធ្វើឲ្យមុខរបរត្រូវខាតបង់។ គូស្នេហ៍មានការយល់ចិត្តគ្នាជាធម្មតា មិនមានបញ្ហាល្អក់កករអ្វីទេ។
ឆ្នាំមមី រាសីឡើងខ្ពស់ត្រដែត។ រាល់ការសម្រេចភារកិច្ចតែងទទួលបានជោគជ័យជានិច្ច។ ការនិយាយស្តីប្រកបដោយហេតុផលត្រឹមត្រូវធ្វើឲ្យលោកអ្នកមាន ប្រៀបលើដៃគូសន្ទនា។ សុខភាពល្អ មានស្មារតីភ្លឺស្វាង មានសមត្ថភាពគិតបញ្ហាដែលនៅចំពោះមុខបានយ៉ាងល្អ។ ការធ្វើដំណើរប្រកបដោយការប្រុងប្រយ័ត្នខ្ពស់។ ស្នេហាមានការចុះសម្រុងគ្នាយ៉ាងល្អប្រពៃ។
ឆ្នាំមមែ រាសីស្រុតចុះ។ រាល់ការបំពេញការងារផ្សេងៗពោរពេញដោយឧបសគ្គសុខភាពមានបញ្ហាខ្លះៗដែលមកពីបរិយាកាស។ ការនិយាយស្តីតែងមានគេនិន្ទាធ្វើឲ្យអ្នកមានការអាក់អន់ស្រពន់ចិត្តជាខ្លាំង។ រីឯបញ្ហាស្នេហា គូស្នេហ៍ខ្វះការយល់ចិត្តគ្នាជាហេតុបណ្តាលឲ្យមានការបែកបាក់ឬ ទំនាស់ជាដើម។ ការធ្វើដំណើរជិតឆ្ងាយមានសុវត្ថិភាពធម្មតា។
ឆ្នាំវក រាសីស្រុតចុះ។ ទឹកចិត្តប្រកបដោយទោមនស្ស ទាមទារឲ្យមានភាពស្ងប់ស្ងាត់ទើបអាចធ្វើការសម្រេចចិត្តបាន។ សុខភាពមានជំងឺជ្រៀតជ្រែកដល់រូបកាយ។ ការប្រកបរបររកទទួលទានខាតបង់។ ការធ្វើដំណើរទៅកាន់ទីជិតឆ្ងាយតែងមានឧបសគ្គរារាំង។ ដោយឡែកបញ្ហាស្នេហា គូស្នេហ៍បានយល់ពីក្តីលំបាករបស់អ្នក និងយកចិត្តទុកដាក់ដល់រូបអ្នកពេញទំហឹង។
ឆ្នាំរកា រាសីឡើងខ្ពស់ត្រដែត។ ទឹកចិត្តពោរពេញទៅដោយក្តីសោមនស្សរីករាយក្នុងផ្លូវត្រឹមត្រូវ ប្រពៃ។ រាល់ការបំពេញកិច្ចការសម្រេចដូចក្ដីប្រាថ្នាជាក់ជាពុំខានឡើយ។ រីឯការធ្វើដំណើរមានការប្រុងប្រយ័ត្នខ្ពស់។ លោកអ្នកមានសតិសម្បជញ្ញៈ។ រីឯបញ្ហាស្នេហា គូស្នេហ៍របស់អ្នកនឹងមានការទុកចិត្តចំពោះអ្នកកាន់តែខ្លាំង ធ្វើឲ្យចំណងស្នេហ៍ផ្អែមល្ហែមដូចទឹកឃ្មុំ។
ឆ្នាំច រាសីមធ្យម។ សុខភាពផ្លូវកាយនិងផ្លូវចិត្តមានអំណោយផលល្អ និងមានសមត្ថភាពបំពេញការងារប្រកបដោយស្មារតីខ្ពស់ធ្វើឲ្យការបំពេញការងារទទួលបានផលគួរជាទីពេញចិត្ត។ ការពោលពាក្យសម្តីធ្វើឲ្យអ្នកផងយកចិត្តទុកដាក់ស្តាប់។ ប៉ុន្តែគួរប្រុងប្រយ័ត្នចំពោះការធ្វើដំណើរទៅកាន់ទីជិតឆ្ងាយ និងគួរយកចិត្តទុកដាក់ចំពោះចំណងស្នេហារបស់លោកអ្នក។
ឆ្នាំកុរ រាសីមធ្យម។ សុខភាពផ្លូវកាយក្តី ផ្លូវចិត្តក្តីមានភាពល្អប្រសើរ តែគួរប្រយ័ត្នចំពោះការពោលពាក្យសម្តីទៅកាន់អ្នកផង ព្រោះអាចមានគេនិន្ទា។ ការប្រកបរបររកទទួលទានបានផលជាបង្គួរ។ រីឯបញ្ហាស្នេហាមិនគួរបណ្តាលឲ្យមានការទាស់ពាក្យសម្តីគ្នាទេ បើពុំដូច្នោះនឹងធ្វើឲ្យរឿងតូចក្លាយទៅជារឿងធំ។ ការធ្វើដំណើរទៅទីជិតឆ្ងាយមានសុវត្ថិភាពធម្មតា។
No comments:
Post a Comment