រាសី ប្រចំាថ្ងៃអង្គារ ទី២៥ ខែមីនា ឆ្នាំ២០១៤
ឆ្នាំជូត រាសីមធ្យម។ ការនិយាយស្តីមានអ្នកខ្លះយកចិត្តទុកដាក់ស្តាប់ ឯខ្លះទៀតព្រងើយកន្តើយ ហេតុនេះគួរគិតឲ្យបានហ្មត់ចត់មុននឹងហាស្ដីទៅកាន់អ្នកផង។ ការប្រកបរបររកទទួលទានបានផលបង្គួរ។ សុខភាពផ្លូវកាយមានអំណាចខ្លាំងក្លាតែសុខភាពផ្លូវចិត្តមានផលប៉ះពាល់ខ្លះៗ។ គូស្នេហ៍យល់ចិត្តគ្នាជាធម្មតាមិនមានរឿងសៅហ្មងអ្វីមករំខានផ្លូវចិត្តឡើយ។
ឆ្នាំឆ្លូវ រាសីឡើងខ្ពស់ត្រដែត។ ការប្រកបរបររកទទួលទានបានចំណេញគាប់ចិត្ត។ ការនិយាយស្តីប្រកបដោយហេតុផលត្រឹមត្រូវ មាន។ ចិត្តសោមនស្សរីករាយចំពោះអំពើជាកុសលផ្សេងៗ និងមានសមត្ថភាពគ្រប់គ្រាន់ក្នុងការរិះគិតរកដំណោះស្រាយផ្សេងៗ។ ជាមួយគ្នានេះដែរបញ្ហាស្នេហាដៃគូមានការចុះសម្រុង និងផ្ដល់ភាពផ្អែមល្ហែមឲ្យគ្នាលើសគ្រាកន្លង។
ឆ្នាំខាល រាសីឡើងខ្ពស់ត្រដែត។ បំណងប្រាថ្នាបានសម្រេច។ ការនិយាយស្តីប្រកបដោយហេតុផលត្រឹមត្រូវ ធ្វើឲ្យអ្នកដទៃគោរពរាប់អាន។ ការធ្វើអាជីវកម្មទទួលបាននូវផលល្អសម្រាប់អ្នក ពីព្រោះអ្នកមានប្រៀបលើគូប្រកួតប្រជែង។ កម្លាំងកាយខ្លាំងក្លា។ ទឹកចិត្តមោះមុតក្លាហាន និងមានសមត្ថភាពអភិវឌ្ឍខ្លួន។ ស្នេហាមានអធ្យាស្រ័យទៅវិញទៅមកយ៉ាងល្អ។
ឆ្នាំថោះ រាសីស្រុតចុះ។ សុខភាពមិនល្អមានជំងឺបៀតបៀនកាយស្របនឹងឆន្ទៈក្នុងការបំពេញកិច្ចការផ្សេងៗត្រូវធ្លាក់ចុះ។ រាល់ការសម្រេចចិត្តផ្សេងគប្បីពិគ្រោះជាមួយមនុស្សដែលអ្នក ទុកចិត្តបំផុតទើបប្រសើរ ពោលគឺ មនុស្សដែលស្មោះត្រង់នឹងអ្នក។ ចំពោះបញ្ហាស្នេហាមិនមានអ្វីឲ្យលោកអ្នកព្រួយបារម្ភឡើយ។ ការធ្វើដំណើរគួរប្រុងប្រយ័ត្នតាមដែលអាចធ្វើទៅបាន។
ឆ្នាំរោង រាសីឡើងខ្ពស់ត្រដែត។ ការប្រកបរបររកទទួលទាននឹងបានទទួលផលចំណេញតបស្នងការ ខិតខំប្រឹងប្រែង។ លោកអ្នកមានសមត្ថភាពក្នុងការទាក់ទង។ ការធ្វើដំណើរទៅកាន់ទីជិតឆ្ងាយនឹងទទួលបាននូវការទទួលរាក់ទាក់យ៉ាងពេញចិត្ត។ សុខភាពផ្លូវកាយល្អទឹកចិត្តសោមនស្សរីករាយ។ ស្នេហាទទួលបាននូវការស្រឡាញ់ និងថ្នាក់ថ្នមពីដៃគូយ៉ាងល្អ។
ឆ្នាំម្សាញ់ រាសីឡើងខ្ពស់ត្រដែត។ គូស្នេហ៍យល់ចិត្តគ្នាជាធម្មតា។ ការងារដែលលោកអ្នកបានបំពេញទទួលបានការកោតសរសើរពីអ្នកដទៃ។ ការប្រកបរបររកទទួលទានវិញបានទទួលផលតបស្នងនឹងការខិតខំប្រឹងប្រែងរបស់អ្នកបានយ៉ាងប្រសើរ។ ក្ដីមេត្តានិងករុណាធម៌របស់អ្នក។ ធ្វើឲ្យអ្នកផងស្រឡាញ់ពេញចិត្តការនិយាយស្តីធ្វើឲ្យអ្នកស្តាប់សប្បាយរីករាយ។
ឆ្នាំមមី រាសី មធ្យម។ គួរយកចិត្តទុកដាក់ចំពោះបញ្ហាស្នេហា។ ការនិយាយស្តីមិនសូវមានឥទ្ធិពលទៅលើអ្នកស្តាប់ប៉ុន្មានឡើយ។ ដំណឹងដែលទទួលបានអាចឲ្យមានការមិនពេញចិត្ត។ លោកអ្នកគួរតែយកចិត្តទុកដាក់អានសៀវភៅធម៌ផ្សេងៗ។ សុខភាពផ្លូវកាយធម្មតា។ ផ្លូវចិត្តមានរឿងស្មុគស្មាញជាច្រើនដែលត្រូវដោះស្រាយហេតុនេះត្រូវការឲ្យមានចិត្តស្ងប់ជាចម្បង ។
ឆ្នាំមមែ រាសីស្រុតចុះ។ ថ្ងៃនេះលោអ្នកអាចនឹងត្រូវបាត់បង់នូវរបស់ជាទីស្រឡាញ់។ ការនិយាយស្តីច្រើនតែជាពាក្យរោយរាយឥតប្រយោជន៍ ខ្វះវិចារណញ្ញាណធ្វើឲ្យគំនិតនិងការបំពេញការងារត្រូវតុញ និងបណ្ដោយឲ្យឱកាសល្អកន្លងផុតដោយគួរឲ្យសោកស្តាយ។ ការប្រកបរបរនឹងមានការខាតបង់។ បញ្ហាស្នេហាក៏នឹងមានផលអាក្រក់ចំពោះរូបអ្នកផងដែរ។
ឆ្នាំវក រាសីឡើងខ្ពស់ត្រដែត។ សុខភាពផ្លូវកាយ និងផ្លូវចិត្តល្អធម្មតា។ រីឯការប្រកបរបររកទទួលទានផ្សេងៗបានផលចំណេញតបស្នងនឹងការខិតខំប្រឹងប្រែងរបស់អ្នក។ ដំណឹងដែលទទួលបានធ្វើឲ្យលោកអ្នកមានក្តីសោមនស្សរីករាយ។ ដោយអំណាចនៃសុខភាពផ្លូវកាយ និងផ្លូវចិត្តល្អបណ្តាលឲ្យការសម្រេចចិត្តត្រឹមត្រូវ។ រីឯគូស្នេហ៍ក៏មានការយល់ចិត្តគ្នាជាធម្មតាដែរ។
ឆ្នាំរកា រាសីឡើងខ្ពស់ត្រដែត។ ការនិយាយស្តីធ្វើឲ្យអ្នកផងស្រឡាញ់ពេញចិត្ត និងកោតសរសើរក្រៃលែង ធ្វើឲ្យលោកអ្នកមានកិត្តិយស កេរិ៍្តឈ្មោះយ៉ាងប្រពៃ។ ការប្រកបរបររកទទួលទានហុចផលចំណេញគួរជាទីពេញចិត្តផងដែរ។ សុខភាពផ្លូវកាយរបស់លោកអ្នកល្អប្រសើរ រីឯសុខភាពផ្លូវចិត្តក៏មានសភាពស្ងប់ស្ងាត់ល្អធ្វើឲ្យការសម្រេចចិត្តបានត្រឹមត្រូវ។
ឆ្នាំច រាសីមធ្យម។ សុខភាពផ្លូវកាយអំណោយផល តែផ្លូវចិត្តអាចមានអកុសលខ្លះៗធ្វើឲ្យការនិយាយស្តីរអាក់រអួល។ ការប្រកបរបររកទទួលទានបានផលបង្គួរ។ ការធ្វើដំណើរមានឧបសគ្គខ្លះៗ។ លោកអ្នកគួរស្វែងរកវិធីលើកទឹកចិត្តខ្លួនឯងដើម្បីឲ្យការងារ របស់លោកអ្នកខិតទៅជិតគោលដៅ។ គូស្នេហ៍ចេះអនុគ្រោះនិងយល់អធ្យាស្រ័យគ្នាបានល្អ។
ឆ្នាំកុរ រាសីឡើងខ្ពស់ត្រដែត។ ការប្រកបរបររកទទួលទានមានផលល្អប្រសើរ។ ការធ្វើដំណើរទៅកាន់ទីជិតឆ្ងាយមានគេទទួលរាក់ទាក់។ ការនិយាយស្តីទៀតសោតត្រូវចិត្តអ្នកស្តាប់ធ្វើឲ្យអ្នកផងស្រឡាញ់ពេញចិត្ត។ គូស្នេហ៍តែងមានការអត់ឱនឲ្យគ្នាទៅវិញទៅមក ពោលគឺអធ្យាស្រ័យគ្នាបានល្អ។ សុខភាពទាំងផ្លូវកាយ និងផ្លូវចិត្តក៏មានលក្ខណៈល្អប្រសើរដែរ។
No comments:
Post a Comment