* ដើមឈើ និងប្រផ្នូលល្អ :
- ជនជាតិលោកខាងលិច មានជំនឿថា ការដុតស្លឹកផ្កាកុលាប ជួយឲ្យមានសំណាងល្អ ដូចនេះហើយ អ្នកកំពុងរាសីធ្លាក់ ចូល
ចិត្តបំពក់ភ្នក់ភ្លើងរួចបោះ ស្លឹកផ្កាកុលាបចូលទៅ ដើម្បីរំដោះគ្រោះ ។
- នៅប្រទេសចិន ក្នុងរដូវស្លឹកឈើលាស់ បើនរណាសុបិនឃើញផ្លាលីលីមានន័យថា ឆ្នាំនេះជាឆ្នាំដែលមានតែសេចក្តីសុខ ។
- នៅពេលមានផ្ទៃពោះ ស្ត្រីក្រីក្រ កាលពីសម័យបុរាណ មានវិធីកំណត់ទេទារក ដោយការទទួលទានប្ញសផ្កាអ័រគីដេ បើចង់
បានកូនស្រី ម្តាយត្រូវទទួលទានប្ញសតូច តែបើចង់បានកូនប្រុស ត្រូវឲ្យឪពុកជាអ្នកទទួលទានប្ញសធំ ។
- ស្ត្រីបារាំង មានជំនឿថា ខ្មោចឆៅ ខ្លាចផ្កាកុលាបព្រៃ លើគម្របមឈូស ដើម្បីបង្ក្រាបសព មិនឲ្យកោងកាច ។ ប៉ុន្តែវិធីនេះ
ប្រើបានចំពោះតែសពដែលស្លាប់ដោយជំងឺថ្កាត់ ប៉ុណ្ណោះ ព្រោះខ្មោចប្រភេទនេះ មិនសូវមានប្ញទ្ធិប៉ុន្មានទេ ។
- កាលពីរាប់រយឆ្នាំមុន បារាំង ធ្លាប់ប្រើផ្កាកុលាប ជាសញ្ញាជំនួសឲ្យស្លាកហាមរំខាន បើអ្នកបោសសម្អាតសណ្ឋាគារ ឃើញ
បន្ទប់ណាមានផ្កាកុលាបដាក់នៅមុខទ្វារ នឹងមិនចូលទៅធ្វើការសម្អាតបន្ទប់នោះឡើយ ។
* ដើមឈើ និងប្រផ្នូលអាក្រក់ :
* ស្ពឺ : ជនជាតិខ្មែរយើង មិនដាំដើមស្ពឺ ក្នុងផ្ទះទេ ព្រោះបើអ្នកមានមន្តវិជ្ជាប្ញសាក់យ័ន្ត បញ្ចុះមន្តអាគម មុជក្រោមមែកស្ពឺ
កាលណា មន្តអាគម នឹងសាបរលាប ។
* ដើមចេកជ្វា : មានជំនឿថា មានខ្មោចព្រាយកាន់នៅ ។
* ឃ្លោក : ដើមឈើប្រភេទនេះ ជាអាវុធបង្ក្រាបមន្តអាគម សម្រាប់មនុស្សសម័យមុន បើមនុស្សមានវិជ្ជាមន្តអាគម បាន
ទទួលឃ្លោកហើយនឹងអស់កម្លាំង ល្ហិតល្ហៃ ក្លាយទៅជាគោលដៅឲ្យសត្រូវញាំញីបាន ។
* ដើមផ្កាមាស : បើផ្ទះ ណាមានកូនស្រី ឬបរិវារស្រី មុខជាមិនហ៊ានយកដើមនេះ ចូលផ្ទះដាច់ខាត ព្រោះមានជំនឿថា នឹង
អូសទាញស្ត្រីក្នុងផ្ទះឲ្យមានឈ្មោះដូច ឈ្មោះផ្កា
* ផ្កាគយគន់ : មានលក្ខណៈស្រដៀងនឹងផ្កាមាសដែរ គឺធ្វើឲ្យក្មេងស្រីៗចូលចិត្តធ្វើខ្លួនទាក់ទាញឲ្យបុរសៗ ។
* ល្ហុង : មានជំនឿថា មិនគួរដាំតាមរបងផ្ទះ ព្រោះអាចនឹងធ្វើឲ្យមនុស្សក្នុងផ្ទះ ឈ្លោះទាស់ទែងគ្នាបាន ។
* ស្លឹកម្រុំ : គេមិននិយមដាំនៅក្នុងផ្ទះទេ បើមិនដូច្នោះទេ អ្នកផ្ទះនឹងត្រូវគេចោមរោមកំហែងមិនខាន ។
* ផ្ការំយោល : នៅប្រទេសឥណ្ឌាភាគខាងត្បូង ផ្ការំយោល ត្រូវបានគេយកមកក្រងធ្វើជាកម្រងផ្កា បំពាក់អ្នកទោសប្រ
ហារ ជីវិត ទើបក្លាយមកជាផ្កាអពមង្គល របស់ជនជាតិឥណ្ឌា ។
* ផ្កា Dahlia : បើតាមអត្ថបទកំណាព្យដែលសរសេរថា ''Dahlia រេរាស្នេហ៍'' មានន័យថា អ្នកដែលដាំដើមនេះ នឹងត្រូវ
ប្រសិទ្ធនាមថា ជាមនុស្សមានចិត្តសាវ៉ារាយមាយ ចូលចិត្តរេរា ដើម្បីជ្រើសរើសសេ្នហាជារឿយៗ ៕
No comments:
Post a Comment