រាសី ប្រចំាថ្ងៃពុធ ទី២១ ខែឧសភា ឆ្នាំ២០១៤
ឆ្នាំជូត រាសីមធ្យម។ សុខភាពផ្លូវកាយល្អ បរិបូរណ៍ ប៉ុន្តែផ្លូវចិត្តមានបង្កប់នូវកង្វល់ខ្លះៗ។ ការនិយាយស្តីពោលតែពាក្យពិតដែលហាក់មិនគាប់ចិត្តមនុស្សមួយចំនួន។ ការបំពេញការងារ ត្រូវប្រើទាំងកម្លាំងកាយ និងកម្លាំងប្រាជ្ញាយ៉ាងច្រើនតែទទួលបានផលត្រឹមមធ្យម។ ការធ្វើដំណើរប្រទះឧបសគ្គជាមុនទើបទទួលបានលាភសក្ការៈតាមក្រោយ។ ស្នេហាដំណើរការល្អធម្មតា។
ឆ្នាំឆ្លូវ រាសីស្រុតចុះខ្លាំង។ សុខភាពផ្លូវកាយបៀតបៀនដោយជំងឺធ្វើឲ្យទឹកចិត្តមានភាពច្របូកច្របល់។ សេចក្តីព្យាយាមត្រូវធ្លាក់ចុះ។ លោកអ្នកមានផ្លូវចិត្តច្របូកច្របល់ធ្វើឲ្យកង្វល់នេះជ្រៀតជ្រែកមិនអាចសម្រេចចិត្តបានត្រឹមត្រូវ។ ស្នេហាខ្វះភាពកក់ក្តៅចំពោះគ្នា។ ការប្រកបរបររកទទួលទានខាតបង់ បានត្រឹមតែបទពិសោធមានតម្លៃតបមកវិញ។
ឆ្នាំខាល រាសីឡើងខ្ពស់ត្រដែត។ ការប្រកបរបររកទទួលទានបានផលគាប់ចិត្ត។ ការនិយាយស្តីប្រកបដោយហេតុផលត្រឹមត្រូវ។ ទឹកចិត្តសោមនស្សរីករាយ និងមានអំណោយទានធ្វើឲ្យអ្នកផងស្រឡាញ់រាប់អានយ៉ាងស្មោះស្ម័គ្រ។ ការធ្វើដំណើរទៅទីជិតឆ្ងាយមានសុវត្ថិភាពគួរជាទីទុកចិត្ត។ ដៃគូស្នេហាចុះសម្រុងគ្នាល្អណាស់ធ្វើឲ្យចំណងស្នេហ៍ផ្អែមល្ហែមលើសគ្រាកន្លង។
ឆ្នាំថោះ រាសីស្រុតចុះ។ ការបំពេញកិច្ចការផ្សេងៗ ទទួលបានផលមិនជាល្អប៉ុន្មានឡើយ។ ការនិយាយស្តីមិនចុះសម្រុងគ្នានឹងអ្នកស្តាប់ប៉ុន្មានទេ។ ការប្រកបរបររកទទួលទានបានផលបង្គួរ។ ទឹកចិត្តជាឧបេក្ខា។ សុខភាពមិនសូវល្អ។ ការទទួលដំណឹងច្រើនតែមិនពិត។ ការធ្វើដំណើរគួរប្រយ័ត្នប្រយែងបន្តិច។ ស្នេហាចុះសម្រុងនឹងគ្នាបានល្អ មិនមានអ្វីគួរឲ្យបារម្ភទេ។
ឆ្នាំរោង រាសីស្រុតចុះ។ លោកអ្នកមានសេចក្តីព្យាយាមខ្ពស់ ប៉ុន្តែខ្វះសមត្ថភាព និងជំនឿចិត្តក្នុងការសម្រេចកិច្ចការនានា។ សុខភាពផ្លូវកាយមាំមួនរហ័សរហួន តែផ្លូវចិត្តត្រូវញាំញីដោយបញ្ហាជុំទិស។ ការធ្វើដំណើរទៅទីជិតឆ្ងាយខ្វះការទទួលរាក់ទាក់ធ្វើឲ្យអ្នកស្រងាកចិត្ត។ ការនិយាយស្តីធ្វើឲ្យមនុស្សមួយចំនួននិន្ទា។ សេចក្តីស្នេហាអាចមានទំនាស់រកាំរកូស។
ឆ្នាំម្សាញ់ រាសីឡើងខ្ពស់ត្រដែត។ ការប្រកបរបររកទទួលទានបានផលចំណេញយ៉ាងគាប់ចិត្ត។ សុខភាពផ្លូវកាយរឹងប៉ឹងល្អ មានអារម្មណ៍ស្រស់ថ្លាគួរជាទីមេត្រីពីសំណាក់អ្នកផងទាំងពួង មានសមត្ថភាព និងគំនិតច្នៃប្រឌិតក្នុងការអភិវឌ្ឍអាជីវកម្មឲ្យរីកចម្រើន។ ការធ្វើដំណើរទៅទីជិតឆ្ងាយមានសុវត្ថិភាព។ ស្នេហាមានអធ្យាស្រ័យទៅវិញទៅមកយ៉ាងល្អប្រពៃ។
ឆ្នាំមមី រាសីមធ្យម។ សុខភាពផ្លូវកាយមិនស្វាហាប់ តែផ្លូវចិត្តស្រស់ស្រាយរីករាយធម្មតា។ ហេតុនេះលោកអ្នកគួរយកចិត្តទុកដាក់បញ្ហាខាងលើឲ្យបានល្អជាមុន សិន ទើបអាចបំពេញកិច្ចការផ្សេងៗដោយការយកចិត្តទុកដាក់។ ការធ្វើដំណើរទៅកាន់ទីជិតឆ្ងាយមានសុវត្ថិភាពធម្មតា។ គូស្នេហ៍គួរបង្កើតអនុស្សាវរីយ៍ថ្មីជាមួយគ្នាបន្ថែមទៀតដើម្បីរឹត ចំណងស្នេហ៍។
ឆ្នាំមមែ រាសីស្រុតចុះ។ ការប្រកបរបររកទទួលទានមិនបានផលចំណេញណាស់ណាទេ។ ការនិយាយស្តីច្រើនរោយរាយឥតប្រយោជន៍អាចធ្វើឲ្យអ្នកដទៃមើលស្រាល។ លោកអ្នកមានគំនិតស្មុគមិនអាចគិតបញ្ហានានាឲ្យបានស៊ីជម្រៅឡើយ។ ការធ្វើដំណើរទៅកាន់ទីជិតឆ្ងាយនឹងមានឧបសគ្គខ្លះៗ។ សេចក្ដីស្នេហាដំណើរការល្អធម្មតាមិនមានអ្វីផលប៉ះពាល់ទេ។
ឆ្នាំវក រាសីមធ្យម។ ទឹកចិត្តមិននឹងនរធ្វើឲ្យលោកអ្នកស្ទាក់ស្ទើរក្នុងការសម្រេចចិត្តលើកិច្ចការធំដុំ។ រីឯសុខភាពរាងកាយក៏នឿយណាយទ្រុឌទ្រោមបន្តិចដែរ។ ទោះយ៉ាងណាបញ្ហាផ្លូវចិត្តហាក់ជ្រះថ្លាស្រស់ស្រាយធម្មតា។ ដោយឡែកចំពោះមុខរបររកទទួលទានលោកអ្នកទទួលបានផលបន្ទាប់បន្សំ។ រីឯបញ្ហាស្នេហាក៏មិនមានបញ្ហាអ្វីកើតឡើងគួរឲ្យបារម្ភដែរ។
ឆ្នាំរកា រាសីឡើងខ្ពស់ត្រដែត។ លោកអ្នកមានសមត្ថភាពអាចសម្រេចកិច្ចការធំបាន និងពូកែបង្កើតគំនិតច្នៃប្រឌិតថ្មីៗ និងមានភាពម្ចាស់ការលើខ្លួនឯង។ ការធ្វើដំណើរទៅកាន់ទីជិតឆ្ងាយតែងមានការទទួលរាក់ទាក់។ មុខរបររកទទួលទានមានដំណើរការបានប្រសើរគាប់ចិត្ត។បញ្ហាស្នេហា គូស្នេហ៍មានទំនាក់ទំនងចុះសម្រុងគ្នា និងអធ្យាស្រ័យល្អចំពោះគ្នា។
ឆ្នាំច រាសីមធ្យម។ ការប្រកបរបររកទទួលទានបានផលចំណេញបន្ទាប់បន្សំមិនច្រើនណាស់ណាទេ។ សុខភាពរាងកាយ និងផ្លូវចិត្តរងការប៉ះទង្គិចខ្លះៗដែរ។ ការនិយាយស្តីមានអ្នកខ្លះយកចិត្តទុកដាក់ស្ដាប់ និងខ្លះទៀតព្រងើយកន្តើយ។ ដោយឡែកគូស្នេហ៍មានការរយាល ព្រោះតែមមាញឹកនឹងការងារ។ ការធ្វើដំណើរជិតឆ្ងាយមានសុវត្ថិភាពធម្មតា។
ឆ្នាំកុរ រាសីស្រុតចុះ។ សុខភាពមានជំងឺជ្រៀតជ្រែក ធ្វើឲ្យការបំពេញការងារមិនបានលទ្ធផលល្អ និងជាហេតុធ្វើឲ្យទឹកចិត្តពោរពេញទៅដោយភាពសៅហ្មង។ ហេតុនេះលោកអ្នកត្រូវពង្រឹងប្រាជ្ញាស្មារតីដើម្បីមូលដ្ឋានគ្រឹះក្នុងការពិចារណាផ្សេងៗបាន ជាពិសេសគឺការស្វែងរកដើមហេតុចម្បងនៃបញ្ហា។ ចំពោះសេចក្ដីស្នេហាក៏មានសភាពមិនសូវល្អប៉ុន្មានដែរ។
No comments:
Post a Comment